NEHEMIAH 8:1 - Cho Bible Common Language 2016

¹ A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.

NEHEMIAH 8:1 Referans Kwoze

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

2 SHONTÄP NAK 34:15

Ani naw Shaphan am, “Kei naw thukhän ca-uk cu shin ah Taigüim kyong ah ka hmuk ci nei” cine pyen neta, ani naw ca-uk cu Shaphan am pek ci.

EZRA 7:11

Artaxerxes naw Ezra am shin ah ca cu pek ci, Ezra cu taigü, cüvai chang Bawipa naw Israel gui am a pek ah thukhän gui la thumkhäm gui avan yüm yüm cu hmat ciah kyak ci.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 23:2

“Thukhän saya gui la Pharisee gui cu, Mosesah thukhän gui m’dang ne pyein nak hning gah ci gui ah kya ci.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

NEHEMIAH 12:37

Tuikhawng m’kawt ung gawk u neta, David ah mang gaw täng hlaak ung hang kai u ne, David ah mang im han kan u ne, mang gaw ah ak kyang lam, tui m’kawt paang ung ng’hlat law ba ci gui.

NEHEMIAH 8:16

Cun ah kyasei chang gui naw sing ban gui shui u ne, ami im vailang ung, ami im pei, Taigüim pei a awng nak la tui m’kawt pei la Ephraim m’kawt pei awng nak gui ung phung sham gui tuk ci gui.

SUKI GUI 20:8

Chang gui ami van a täng ah ng’düi law u neta, “Mikmi ung ka phung ung om ci phi, im ung om phi, a u a imah kä hteit ba khai nei.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

2 SHONTÄP NAK 34:30

Taigüim ah a täng ah hteh püi gui ci, ngami awn ng’guui ne taigü gui, Levit gui, la ak pyam, ang mang chang avan hteit tuk ci gui. Ami van ah ma ah Ghangpughang naw Taigüim ung ami hmun ah Thukhän ca-uk avan cu m’lau ne phat ci.

EZRA 7:10

Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

NEHEMIAH 8:3

cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.

TAIGÜTHUM 9:5

Ngami naw Phung ah hmai ung Moses naw thumkhän ne am cäi gui phung cu law püi ci gui. Chang gui ami van cu Bawipa khawihnah vai ah ng’bum lawk ci gui.

THULÄÄN NAK 31:11

Khawihnah nak ah hmun ung, Bawipa nami Khanpughi khawihnah khai gui ah ami law ung, Israel chang gui ah ma ah nami phat vai.

2 GHANGPUGHANG GUI 23:2

ngami cu a täng ah Taigüim ah hteit ci gui, ngami awn a täng ah taigü gui, prophet gui, om ba ciah ak pyam ang mang chang avan hteit tuk ci gui. Ghangpughang naw Taigüim ah ami hmuh ah thukhän ca uk avan cu ami ma ah m’lau ne phat ci.

EZRA 7:1

Khokum akda lüng khäta, Artaxerxes cu Persia ghangpughang ah a kyak yah ung, Ezra ming nak ciah chang tumat om ci. Ani naw apupa gui cu Taigütung Aaron ung va leng ne shin ah ng’dang sak ci. Ezra cu Seriah ah hta, Seriah cu Azariah ah hta, Azariah cu Hikiah ah hta,

NEHEMIAH 12:26

Shin ah chang gui cu Jehozadak ah tu Joshua ah hta Joiakim ah akhin, uktu Nehemiah ah akhin, taigü thukhän hmat ciah Ezra ah akhin ung om ci gui ah kyak ci.