NEHEMIAH 7:1 - Cho Bible Common Language 2016

¹ Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

NEHEMIAH 7:1 Referans Kwoze

NEHEMIAH 6:15

Elul cha a hnüüp m’ku lei hma nak, ami bi nak a hnüüp hma kip lei goi nak ung mangpang avan cawh ba cu pyi ci gui.

NEHEMIAH 6:1

Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

2 SHONTÄP NAK 31:2

Ghangpughang Hezekiah naw taigü gui la Levit gui ah ami ng’bunghtawi nak phi m’hnüt pyan pe gui ci, acun ah ka ah tumat ci naw ng’shung khai ah ami bi vai kyak ci. Acun ung m’khih ne douthak nak la khawtsheng douthak nak, Taigüim kyong ah khawihnah nak ung bi amshah la Taigüim avan ung m’hlümtai nak la yeikyai nak gui om ci.

NEHEMIAH 12:24

Hashabiah, Sherebiah, Jeshua, Binnui, la Kadmiela gui ah m’shümthein nak awn Levit gui cu ang bum gui ah pyang gui ci gui. Khanpughi ah chang, ghangpughang David ah pek gui ah m’shümthein nak ah mäih ah hnü ät ung ng’bum goi ci naw ang bunglan ah Khanpughi m’hlüngtai ne yeikyai nak ci gui.

NEHEMIAH 11:3

Ahei gawnu gui la mang gaw gui ung Israel chang gui, taigü gui, Levit gui, Taigüim ung bii bik ci gui, Solomon ah changshäm ah ang shon gui cu ami mät ah khawh awn, ami mät ah gawnu ung om ci gui. Shin cu Judah khopäng, Jerusalem ung om ciah ng’vai ciah ng’leimah gui tän gui ah kyak ci. Athaiah, Zekhariah ah tu Uzziah ah hta. Ahei ani ah a pupa gui cu Amariah, Shephatiah, la Mahalalela Judah ah hta Perez ah hta ng’shon gui.

NEHEMIAH 10:39

Israel chang gui la Levit gui naw ami pektak ah pumhta, sapyittui, oliv-situi gui cu, gimnak khan gui ung hteh püi ci gui, cun ung Taigüim ung mang vai gui tha ci gui, cun ung bii bik ciah taigü gui, Taigüim ngäng gui, Taigüim choir m’cu ci gui ah om nak om ci. Keimi naw kami Khanpughi ah im cu kä kami nawng khai nei.

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

2 GHANGPUGHANG GUI 7:10

Cun ah kyasei ngami naw Sirian phung cu hteh ta u ne, Samaria ah hteit ba u ne, m’kawt ung om ne gaw ngäng gui cu khü gui ci gui: “Keimi Sirian gui ah phung ah kami hteit ci, a i phi kä kami hmuk ci, kä kami ng’yak ci; ng’se gui la laa gui cu ami k’pawn ah täng ah om ci gui, k’pyu gui cu Sirian gui naw ami nawng ah täng ah om ci.

NEHEMIAH 6:19

Tobiah ah ni nak abi gui avan cu chang gui naw kei ah ma ah pyen lawk ci gui, kei ah ka pyen phung phi ani am m’thein ba ci gui. Ani naw tha na ne ana m’kyih nak ah ca cu na pe lawk gäk gäk ci.