NEHEMIAH 6:6 - Cho Bible Common Language 2016

⁶ Cun ah ca ung: “Nang la Jew chang gui naw, mangpaang nami cawh ba cu, nami ng’küknet nak vai ah nami pawng ah pyen ne, peileng ung chang gui naw ami pyen ah thumgawng om ci, Keshem naw kei am na m’thein ci. Ani naw a pyen ba mä cu, na mät ghangpughang ah na kyak khai ah na pawng htein,

NEHEMIAH 6:6 Referans Kwoze

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

1 PETER 3:16

Cunung phi ng’awi ng’gi nak la chang m’sui nak awn nami bi vai nei. Nami m’lung cu theing sak vä, cun ung bawi Khrit ah chang ah kia ne, akni nami bi lawh, ning päipih gui ciah chang gui cu, thui ng’aa khai gui nei.

ROMAN 3:8

“Ak ni a gawk law vai ah ak she cu mi bi vai,” cine mi pyein khai ang! Acun ah mäih ah kei naw ka pyein ah pyein u ne chang amshah naw ng’thu gu na k’bün ne na katnak ci gui nei. Cun ah chang gui cu ami gah vai ah mäih ah m’khoichaa nak gah khai gui nei.

EZRA 4:12

“Nang kami bawi naw na hmat vai kami ng’yak hlü cu ahei na khopäng gui ungka lawk ciah Jew chang gui cu shin ung law u ne, Jerusalem ung khäng ne om u ne, shekha ne ng’küknet ciah mang gaw cu co ba ci gui nei. Ngami naw tün ne gawkpaang cu co ba pyi ci gui. Kä shou pha sei pyi lawk khai gui nei.

2 KORIN 6:8

Keimi cu m’tamkhah nak la yoshe nak, päipih nak la m’hlüngtai nak kami gah ci. Kami hleeihlak ciah na pyein gui u sei phi düng nak cu ka mi pyein ci:

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

EZRA 4:15

Tuhbäi na pupa gui ah gimtha man gui cu shui teng sak gui ä. Cun ung shin ah mang gaw cu ak phlüt ah hnungtuk ciah gaw, cau ä tün ne ghhangpughang gui la khopäng uktu gui khüikha sak ciah gaw ah na hmuk khai nei. Shin ung chang gui cu akphlü ah uk gui vai khak ci nei. Cun ah kyasei mang gaw cu ami m’di ah kyak ci nei.

NEHEMIAH 6:5

Cun kawn ah Sanballat naw a changshäm tumat cu kei ah tüi law ne, ak hmaa nak thu m’khäh lawk ci, cun cu kä m’hnüt ah ca ah kyak ci.

NEHEMIAH 6:7

Nang Judah ghangpughang ah na kyak law ah mawng, Jerusalem ung ng’shäu khai ah prophet gui cu na pawng püi pyi ci. Abawi mang naw shin ah amawng cu ng’ya ci nei, cun ah kyasei, kei la nang naw shin ah mawng, ng’hmu ne ni pyen khai nei.”

NEHEMIAH 6:13

Kei cu katnak ung na luh sak khai ah ani ami ghüh ah kyak ci, cun ung kabi cu m’di ne kamät phi na hmim khai gui.