NEHEMIAH 6:2 - Cho Bible Common Language 2016

² Cun ah kyasei Sanballat la Keshem naw Ono khodou ah, pigaw tumat ung hteit ne ka hmuh gui vai ng’thu m’khäh lawk ci gui. Cun cu kei ami na hnim vai ah ami theileh ah kyak ci.

NEHEMIAH 6:2 Referans Kwoze

SAM 37:12

Changshe naw changni cu hnu ng’tuk püi ne, m’kawng ne gen ci.

1 SHONTÄP NAK 8:12

Elpaal ung a hta pami thum om ci: Eber, Misham, la Shemed. Shemed naw Ono la Lod mang gaw gui la a peiyung ah pigaw gui cu co ci.

NEHEMIAH 11:35

Lod, Ono, la phisak ci gui ah khongnawi ung khüt ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

JEREMIAH 41:2

Ishmaela la chang sing gha naw ami sem phawng u ne. Kedaliah cu ngawn ci gui.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

SAM 37:32

Changshe naw changni cu ng’mün ne ngawn vai ah tha nak ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

NEHEMIAH 6:3

Kei naw chang ghüh ne ng’thu ka m’shäk ba ci, “Kei ka bi aküikyang om ci kyasei, kä ka hteit hlawt khai. Nangmi law ne ka ning hmuh gui vai ah phäh ah kei naw ka bii kä ka nawng khai.”

NEHEMIAH 3:22

Shin ah Taigü gui naw gawpaang ah angpai akda co ba ci gui: Jerusalem khongveing ung taigü gui naw am cawt co ci gui;