NEHEMIAH 6:16 - Cho Bible Common Language 2016

¹⁶ Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

NEHEMIAH 6:16 Referans Kwoze

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

SAM 126:2

Mikmi cu a i hlawk ah mi gaih ne, a i hlawk ah yei ne ng’äi mi m’cu ci ang? Chang khuihei gi naw mikmi ah mawng pyen u ne, “Bawipa naw ngami ah hmawk ah a küikyang ah bi bik ci nei” cik ci gui.

NEHEMIAH 4:7

Sanballat, Tobiah la Arabia, Ammon, Ashdod chang gui naw Jerusalem paang bä law pi pi khai ah kami cawh ba la paang ung ak pawk gui kami m’ghu ba gui cu ng’ya u neta anghtei ah m’lungshe ci gui.

NEHEMIAH 4:1

Keimi Jew naw gui paang tün ne kami cawh ba cu Sanballat naw ng’ya neta, anghtei ah m’lungshe ne na päipih gui ci.

NEHEMIAH 2:10

Cun ung phi Beth Horon gawnu ungka Sanballat la Ammon khawpäng bawi Tobiah naw, Israel chang gui ah ni nak vai bik khai ah chang tumat lawk ci, cicu ng’ya ni neta ang htei ah m’lungshe ci goi.

LAMKTU 5:38

Cun ah kiah sei kei naw ka pyein hlü cu, shin ah chang gui kä hei nah gui vä, ami bü ah om u sä;

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

PHYAWN NAK 14:25

Ani naw ami yatha ping gui cu ng’shüh sak gui ci. Cun ah kyasei ngami cu khak sei ng’nawn ci gui. Egypt chang gui naw, “Bawipa naw Israel gui ah hmawk ah na ng’tuk püi gui ci nei, shin ungka mi dawng khai nei” cik ci gui.

NEHEMIAH 6:17

Shin ah khin akyong ung Jew ami ng’vai gui cu Tobiah awn ca ng’pe tuk ci gui.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

SAM 109:27

Kei na hun ciah na kyak cu ka ga gui am hmat sak ä.

SAM 129:5

Zion mang gaw thüi nak ciah chang phung cu, tuh ne k’täm gui u sä.

SAM 147:2

Khanpughi naw Jerusalem mang gaw cu co ba ci; akho hei ah ami k’täm gui cu law püi ba gui ci.