NEHEMIAH 6:10 - Cho Bible Common Language 2016

¹⁰ A cun ah khin ung kei cu Mehetabela ah tu, Delaiah ah hta Shemaiah ah ka va om tuk ci, ani cu a im ung ka, kä lut law hlawt ci. Ani naw, “Nang la kei cu Taigüim ah hteit ne atheing ciim hmun ung atäng ah ni ng’thup khai, shoh ni khai khai, a i ah kyasei ci ung nang ning ngawn khai gui ah ngami cu lawk khai gui nei. A i mü phih ngami law ne nang ning ngawn khai gui nei.”

NEHEMIAH 6:10 Referans Kwoze

JEREMIAH 36:5

Cun ung phi cun kawn ah chang m’shüm thein nak gui cu Baruk am ka pek ci; “Kei cu Taigüim ah hteh vai ah kä ka gah ba ci.

LAMKTU 21:30

Pigaw avan thüngkyüng u ne, chang gui avan dawng law u ne Paul cu pha ne pum im ah k’pung ah saw law ba u netah, pum im m’kawt cu ang ghit ah hei khai ci gui.

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

EZEKIEL 3:24

Cun u ng phi khanpughi ah mümcha cu kei un glut neta ka khaw ung na m’tho ci, Bawipa naw a pyen nak ci, im ah hteit ban a namät im ung shoh khai ne om ä.

NG'THU K'THUUK~ 11:9

Khanpughi kä yum cah chang gui ah ng’thu awn nang cu na cümbawng khai, Cun ung phi düng ciah cüivai nak naw ning hun khai.

SAM 37:12

Changshe naw changni cu hnu ng’tuk püi ne, m’kawng ne gen ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

NEHEMIAH 6:12

Kei naw cun ka ngaih-tüh ung, Khanpughi naw Shemaiah ang htau püi ah kä kyak ci, Sanballat la Tobiah naw ng’mü khawh pe ni khäta, shin ah thumkyih ana pek ah kyak ci, cicu ka hmat ci.

EZRA 10:31

Harim pahta: Eliezer, Ishijah, Malchija, Shemaiah, Shimeon, Benjamin, Malluch, la Shemariah.

EZRA 8:16

Kei naw ang vaihta gui chang sing kaw ka tüi gui ci. Eliezer, Ariela, Shemaiah, Elnathan, Jarib, Elnathan, Nathan, Zehgariah, la Meshullam. Cun kawn ah saya hnih, Joiarib la Elnathan.

2 SHONTÄP NAK 29:7

Ngami naw Taigüim m’kawt khai u ne, mei phi m’sih u ne, Israel gui ah Khanpughi ah Taigüim ung ang ui m’khih vai la m’khih ne douthak gui vai phi kä bik ci gui.

2 SHONTÄP NAK 29:3

Hezekiah ghangpughang ah a kyak nak kum a cha ät nak ung, ani naw Taigüim m’kawt gui cu hmawng ba ne, pyang tham ba ci.

2 SHONTÄP NAK 28:24

Cun kawn ah thap ba ne, ani cu Taigüim kyong ah khawh gui avan la ne akhui ah phyit ci. Taigüim cu khai neta Jerusalem ah akyong päng ung sonkiang co ci.

2 GHANGPUGHANG GUI 11:3

Ahtaliah naw a uk yah ung Jehosheba naw ak hmaw cu m’htei ne khokum chuk ung Taigüim kyong ah a thuh ah kyak ci.

2 GHANGPUGHANG GUI 9:8

Ahab ah kyong chang gui la a hta ng’shon gui cu ami van sik khai gui; kei naw ani ah kyong khui chang pami phung ak hmaw angvai avan kak heng yawp khai.

1 GHANGPUGHANG GUI 6:5

Akpung täng k’pang hnungtuk püi ne, Taigüim ah ang leng la a hnu täng ung, that thum ci lawk ciah im hta gui ak m’dün ne co ci gui, that ät ung dawng phli la khap ciah hlüng ci.