NEHEMIAH 6:1 - Cho Bible Common Language 2016

¹ Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

NEHEMIAH 6:1 Referans Kwoze

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

NEHEMIAH 2:10

Cun ung phi Beth Horon gawnu ungka Sanballat la Ammon khawpäng bawi Tobiah naw, Israel chang gui ah ni nak vai bik khai ah chang tumat lawk ci, cicu ng’ya ni neta ang htei ah m’lungshe ci goi.

NEHEMIAH 4:1

Keimi Jew naw gui paang tün ne kami cawh ba cu Sanballat naw ng’ya neta, anghtei ah m’lungshe ne na päipih gui ci.

NEHEMIAH 3:3

Hassenaah pahta gui naw Nga m’kawt cu co ci gui. Ngami naw lawng la shohpaang gui cu a hmun ung tha u ne, shoh khai nak vai ah shoh keing shoh gaw gui phi pyang ci.

NEHEMIAH 3:1

Shin cu mang gaw pang ami cawh ba ah mawng ah kyak ci. Taigüpa Eliashib la ak taigü gui naw Htome M’kawt cu co ba u ne, shoh cu a hmun ung tha ci gui. Ngami naw paang cu Kumphia Tänghän la Hananela Tänghän güt ah ap ci gui.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

NEHEMIAH 3:6

Paseah ah hta Joiada la Besodeiah ah hta Meshullam naw Jeshanah m’kawt cu co ci goi. Ngami naw ng’lawng gui la shoh paang cu a hmun ung tha u ne, khai nak vai ah, shoh keing la shoh gaw gui phi pyang ci gui.

NEHEMIAH 7:1

Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

NEHEMIAH 13:4

Taigü Eliashib cu Taigüim khei ung angvai ah kyak ci, ani cu Tobiah awn ashou akni ah ng’khawt ci goi.