NEHEMIAH 5:9 - Cho Bible Common Language 2016

⁹ Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

NEHEMIAH 5:9 Referans Kwoze

TAIGÜTHUM 25:36

Ani ung ang lawn kä na lak vai, Khanpughi na kyih aa vai, na Israel chang paw cu na pei ah na om sak vai.

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

2 SAMUEL 12:14

Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

TITUS 2:5

Ami htingling vai, ami theingcim vai; kyongkhui m’htei ciah hnumi ah ami kyak vai, a cei ah beit ng’yak ciah hnumi ah ami kyak vai cu, m’shümthein gui thei khai gui nei. Cun ah a kyak ung Khanpughi ungka lawk ciah thu cu a u naw ak she ah kä pyein ba khai nei.

1 TIMOTHI 5:14

Cun ah kyasei hmaw sang ciah hmeinu gui cu ceimah ba u ne, hta nau u ne, ami kyong khui m’htei ne om u sä, cun ung mi ga gui naw mikmi ah mawng ak she ami pyein vai a i kä om khai.

ROMAN 2:24

Cacim ung, “Jew chang gui ah om ah chang khui hei gui naw, Khanpughi ah ming cu päipih ci gui nei,” cine om ciah mäih ah kya lawk ci nei.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

EZEKIEL 36:20

Ngami ami hteh nak päng ah kei ah theingcim ciah ka ming ah thui ng’aa nak vai cu hteh püi ci gui, a i ah kyasei ci ung, chang gui naw pyen u ne “Shin gui cu Bawipa ah chang gui ah kyak ci, cun ung phi ngami naw a khaw cu hteh tak ci gui” cik ci gui.

NG'THU K'THUUK~ 24:23

Cüivai ci naw shin cha ah phi thu pyen ci; vangtäng kumtu ne m’khoichak ciah suki cu hma ci.

NG'THU K'THUUK~ 19:2

Hmuhmat nak ka om ciah m’lung ah ling cu ka nik ci, m’lung ka sau nak naw yaica nak ung ning hteh pui khai.

NG'THU K'THUUK~ 18:5

Taga nak gah nak vai ah cheishoh cu kum ne, changnim’shung cu ka hman ciah kyak ci.

NG'THU K'THUUK~ 17:26

Ba ciah chang ng’lawh sak cicu ka ng’dung ciah kyak ci, Nik ciah chang m’kyuk cu taga nak plawh ah kyak ci.

NG'THU K'THUUK~ 16:29

M’ghämce ciah chang naw a teihpüi khäihleng ne beilei lam ung hteh pui ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

NEHEMIAH 4:4

Kei ka taigü ci, “O Khanpughi! Keimi ami na m’lepse gui cu yuk ng’ya law ä! Ami m’lepse gui cu yuk ng’ya law ä! Ami m’lepse thu cu ami mät ah lu khan ah kya ba sä. Ami khawh nü gut gui u sä, pha gui ne a khaw hei ah hteh püi gui u sä.

1 SAMUEL 2:24

“Ka hta gui, nawng vä! Bawipa ah chang gui naw shin ah mawng pyen vai cu kyih aih vai kyak ci nei!

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

NEHEMIAH 5:10

Kei naw chang gui am ngui la k’htang ka k’pu gui ci, kei ah ka paw chang gui la kei ah bii bik ci gui naw phi a cun ah bik ci gui. Tuhbäi cun ah ami pu gui cu kä mi shang ba khai nei.

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?