NEHEMIAH 5:19 - Cho Bible Common Language 2016

¹⁹ O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

NEHEMIAH 5:19 Referans Kwoze

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

SAM 106:4

Bawipa, na chang gui na m’htei gui yah ung na shüm ä; Ngami na hun nak gui ung na hun to ä.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

MAKUH 9:41

Kei naw akcang ka pyein cu, kei ah ng’düihpüi ah nami kyak cu a hmat nak awn nangmi-am tui m’yak ät ning tu gui ci cu, akcang ah m’khum taih ne gah tang nak om khai.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

SAM 40:17

O Bawipa, kei cu ka zoken, ka dukhaih ci, cun ung phi nang naw kä na na m’hnih ci. Nang cu ka Hunbawi la ka Khanpughi ah na kyak ci — Ang ghit ah na m’htei ä!

ATÜNNAK 40:14

Cun ung phi phyawng ne na bä ba hnüüp ung kei cu na na shüm ba vai nei. Na m’gein nak awn ghangpughang ah na na pyen pek vai, ka phyawn vai ah phi na na tha nak tu pek vai nei.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.