NEHEMIAH 5:15 - Cho Bible Common Language 2016

¹⁵ Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

NEHEMIAH 5:15 Referans Kwoze

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

2 KORIN 11:9

Kei cu nangmi awn a täng ah ka om yah ung ngui ka ng’yak hlü yah ung kä ka ning yaica sak gui man ci. Macedonia ah phäinau gui naw kei ah ng’yak hlü phung cu law püi ci ci gui. Kei naw a cau phi; ngawi ah phi, nami phuih kä ka gih sak khai.

MATTHE 5:47

Nami teihpüi bäng nami ng’cengcäk püi ung, nami om ih cu a i chaa ah dang khai ang? Khanpughi kä hmat ci gui phi acun ah mäih ah om ci gui nei.

JOB 31:23

A i ah kyasei ciung kei naw Khanpughi ah m’kyuk nak cu ka kyih ci nei. A cun ah mäih cu kä ka bi phung khai nei.

2 KORIN 12:13

Kei naw nangmi cu a hei khrithabum gui ah mäih ah m’täng ne ka ning om püi gui ci, ngui ah mawng bäng ung kä ka ning bilawh sak gui ci. Cun ah kä täng khai ah ka bi ah hmawk ah kei cu nami nam gein vai nei.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

1 SAMUEL 8:15

Ani naw nami htang la am theih gui ah bum gha bum ät la ne, a yung bawi gui la a hei bawi gui am pe gui khai.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

NEHEMIAH 5:16

Kei naw mangpang cawh ba nak ung ka thagui avan ka mang ci, a i khawh phi angcheng kä ka lak ci. Kei ah phäh ah bii bik ciah chang nü naw cawh ba nak ung bi law tuk ci gui.

JEREMIAH 32:9

Kei naw Hanamela ah khaw cu hleih ne ngui khin ne ka pek ci; a phu cu ngui phe gha leo chih ah kyak ci.

NG’ÄI KYAH 5:8

Mikmi na uk gui ci gui cu changshäm ah mä kä bä tuba ci gui. Ngami ah huham ungka a u naw kä na hun gui hning ci.