NEHEMIAH 5:13 - Cho Bible Common Language 2016

¹³ Cun kawn ah kei naw ka khei pat nak cu suut ne, k’thüng neta, “Nangmi ungka a shaitak kä k’pang cicu Khanpughi naw ashik cha ah bik khai. Khanpughi naw nami im gui la nami khawh gui avan cu ashik cha ah la yawp khai, nangmi cu ak plui ah ning nawng gui khai.” Cun ung om tuk ci phung naw pyen u ne, “Amen” cik ci gui, Bawipa m’hlüngtai ci gui. Ami ng’vai gui naw ami shaitak cu k’pang ci gui.

NEHEMIAH 5:13 Referans Kwoze

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

MATTHE 10:14

Kä ning dou gui ne nami ng’thu kä ngai ciah im, pigaw a om ah a kiak ung, acun ungka lut law ba ne, nami kho ung m’vut phi nami khawn shüt vai.

1 SHONTÄP NAK 16:36

Israel Khanpughi Bawipa cu m’tam vä! Ani cu tuhbäi la khonglän ung m’tam vä! Chang avan naw “Amen” cine Bawipa cu m’hlüng tai vä.

LAMKTU 13:51

Ang düihpüi goi naw cun ah chang gui ah shetkat nak ang dang vai ah ani kho ungka m’vut cu hei khawng shüt netah Ikonium gawnu ah hteit ci goi.

THUSHÄUTU 5:5

Shai tak bi neta kä k’pan ah ta, shai kä tak ling cu bä tuba ci.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

SAM 76:11

Nami Bawipa Khanpughi ah ma ah nami shaitak nak bi vä; Apei leng ah ka pakhui avan naw m’cümhnah nak law püi vä. Chang van naw a kyih vai ah Khanpughi naw bik ci nei;

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

NEHEMIAH 8:6

Ezra naw, “Bawipa m’hlüngtai vä, Dämduh ciah Khanpughi nei!” cik ci. Chang gui ami van naw ami kut shäng neta ami pyen cu, “Amen! Amen!” cun kawn ah ami hmai m’dek ung gawk khai ah kaawp u ne khawihnah ci gui.

2 GHANGPUGHANG GUI 23:3

Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

KHEI NAK 5:22

Shin ah tui cu nak chi ung yu lut ne, nak chi cu ng’phliin sak sä, na le täng na pumsa cu pim sä.” Hnumi naw am shan vai, “Ka yum ci nei, Bawipa naw a cun ah bi sä.”

1 KORIN 14:16

Nang cu nang mümcha bäng awn Khanpughi m’hlüngtai ne na k’taigü ah a kyak ung, pum tuk ciah chang tumat naw, nami ng’thu kä hmat ci kya ne, a i hawkchaa ah “Amen” a ci tu vai ang?

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.