NEHEMIAH 5:12 - Cho Bible Common Language 2016

¹² Ami ng’vai gui naw m’shang u ne, “Na pyen ah mäih ah kami bik khai nei. Keimi naw ami khawh gui kami pe ba gui khai, ami pu phi kä kami shang ba gui khai” cik ci gui. Kei naw taigü gui cu khü gui neta, ami ma ah angvai gui naw ami pyen ah shaitak cu ami k’pan vai ah ka ng’taam sak gui ci.

NEHEMIAH 5:12 Referans Kwoze

EZRA 10:5

Cun ah kyasei Ezra naw tün ne taigü gui la Levit gui ah ami ng’vai gui la k’pawih ciah chang avan am, Shekaniah ah pyen ah mäih ah kami bik khai nei, ciah thukhän sak gui ci.

LUKA 19:8

Zakhaeus cu ng’düi law netah, Bawipa Jesuh-am “Bawipa, kei ah ka khawh cu a teih k’pai ne ghawipyam ci gui-am ka pek khai nei. Kei naw chang ah ngui kä düng ciah ka lak a om ung phi, a cun ah ngui ah ak phli ah ka pe ba khai nei” cik ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.

NEHEMIAH 10:29

kami ng’vai gui awn ng’dawn u ne kami ng’khän ci, cun ah ka ung plah tam nak kami bik ci, cun cu kami m’shet ung ka vai ah Khanpughi naw a changshäm Moses ung a pek ah Khanpughi ah thukhän ah mäih ah kami om khai; Bawipa, kami bawipa ah ang thumkhän avan cu kami läk khai; cun kawn ah ang thukhän avan la a k’thähchah nak gui cu keimi naw kami läk khai.

EZRA 10:12

Chang gui naw m’lau ne m’shang ci gui, “Nang naw na pyen phung cu keimi naw kami bik khai nei” cik ci gui.

NEHEMIAH 5:11

Ami pu gui avan cu nami nawng pe gui khai nei — ngui phi, htang phi, sapyit tui phi, olive tui phi. Ami lo gui, sapyitdum gui, olive-lo gui, ami im gui cu ang ghit ah mi pe ba gui khai nei!”

NEHEMIAH 10:30

Kami khaw ung om tuk ciah khuihei chang gui awn kä kami ng’chungla khai.