NEHEMIAH 5:11 - Cho Bible Common Language 2016

¹¹ Ami pu gui avan cu nami nawng pe gui khai nei — ngui phi, htang phi, sapyit tui phi, olive tui phi. Ami lo gui, sapyitdum gui, olive-lo gui, ami im gui cu ang ghit ah mi pe ba gui khai nei!”

NEHEMIAH 5:11 Referans Kwoze

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

LUKA 3:8

Kat nak ungka phiawn vai ah ng’yu ba yawp vä, Abraham cu kami pughi cine kä khähghah vä, Khanpughi naw lung gui phi la ne Abraham ah ng’shon ah pyang hning ci nei.

2 SAMUEL 12:6

Cun ah akshekha bik ciah chang naw a lak ah phäh ah ak phli ah a pek ba vai nei,” cik ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

THULÄÄN NAK 6:11

Im gui cu nangmi naw kä nami tha ah khawh ni awn be khai. Kä nami shawk ah tui shawk gui om khai. Kä namigeit ah sapyit gui, olive ghing gui om khai. Bawipa naw cun ah khaw ung a ning law pü gui ung nami ei hlü päng avan om khai.

NEHEMIAH 5:10

Kei naw chang gui am ngui la k’htang ka k’pu gui ci, kei ah ka paw chang gui la kei ah bii bik ci gui naw phi a cun ah bik ci gui. Tuhbäi cun ah ami pu gui cu kä mi shang ba khai nei.

NEHEMIAH 5:12

Ami ng’vai gui naw m’shang u ne, “Na pyen ah mäih ah kami bik khai nei. Keimi naw ami khawh gui kami pe ba gui khai, ami pu phi kä kami shang ba gui khai” cik ci gui. Kei naw taigü gui cu khü gui neta, ami ma ah angvai gui naw ami pyen ah shaitak cu ami k’pan vai ah ka ng’taam sak gui ci.