NEHEMIAH 5:10 - Cho Bible Common Language 2016

¹⁰ Kei naw chang gui am ngui la k’htang ka k’pu gui ci, kei ah ka paw chang gui la kei ah bii bik ci gui naw phi a cun ah bik ci gui. Tuhbäi cun ah ami pu gui cu kä mi shang ba khai nei.

NEHEMIAH 5:10 Referans Kwoze

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

EZEKIEL 18:8

Ani naw ngui a taw ah kä ng’pu ci. Ani cu akshe bi vai ah mak ci, Ng’cuh can nak päng ung düng nak awn m’khoi chak ci.

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

NEHEMIAH 5:7

Ka hnüntho khai ah ka k’bäi ci. Kei naw chang gui ah ami ng’vai gui la bawi gui am ka pyen na gui ci, “Nangmi naw nami phäi nau gui nami shedam na gui ci nei!” Kei naw shin ah ng’cuhvah pyen khai ah chang khli khü neta

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

NEHEMIAH 5:11

Ami pu gui avan cu nami nawng pe gui khai nei — ngui phi, htang phi, sapyit tui phi, olive tui phi. Ami lo gui, sapyitdum gui, olive-lo gui, ami im gui cu ang ghit ah mi pe ba gui khai nei!”

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

THULÄÄN NAK 15:2

Shin cu a i cha ah nami bi vai ah mawng ah kyak ci. A Israel chang paw am ngui k’pu tuk ciah chang päng naw pu tuk ciah chang am a nawng pek vai. Ani naw ngui a gah ba vai ah kä ak tha nak vai. Bawipa amät naw chang am k’pu tu cu nawng pek vai ah ak bäi ah kyak ci.

NEHEMIAH 10:32

Keimi tumat ci naw akum tä sei ngui karam ak hma ci kami pek ci, Taigüim ung mang vai ah bawm nak pek ah kyak ci.

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.