NEHEMIAH 4:5 - Cho Bible Common Language 2016

⁵ Kami cokyang ciah keimi ami na shedam nak gui ah phäh ah akshe ami bi cu kä m’geinsei en gui ä, ami hmakat nak cu kä m’hni en pe gui ä.”

NEHEMIAH 4:5 Referans Kwoze

JEREMIAH 18:23

Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”

SAM 109:14

Bawipa naw apupa ah shet nak cu shüm ne, anu ah katnak cu kä m’gein en sä.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

SAM 51:9

Ka cheishoh nak gui cu kä na teng pe ne, ka shet nak gui cu na lim pe ä.

NEHEMIAH 4:6

Cun ah kyasei keimi naw paang cu co ba u ne, chang gui naw k’tha na ne bi u sei, a hlüng ah a teih cu kami pyi pyi ci nei.

ISAIAH 2:9

A chang sing cu zu ng’kia u ne, lü ng’a khai gui nei. Bawipa, kä geinsei en gui ä!

NG’ÄI KYAH 1:22

“Ami cheishoh nak avan ah phäh ah m’kat gui ä; Kei ah katnak gui na na m’kyuk ah mäih ah m’kyuk gui ä. Kei akyong ah ka ng’hlaw ei aih ci nei, kei ka m’lung kyong ah ka gaw ci nei.”

2 SAMUEL 17:2

Ani bawngbai ne, ak tha aken yah ung kei naw ka tuk khai. Ani cu kyikyawk khai, ak chang gui ami van dawng yawp khai gui. Kei naw ghangpughang bäng ka ngawn khai,