NEHEMIAH 4:23 - Cho Bible Common Language 2016

²³ Mü ah phi kei naw ka suisak kä ka suut ci, kapaw gui naw phi kä suut ci gui, ka changshäm gui naw phi kä suut ci gui, na ngäng ci gui naw phi kä suut ci gui. Kami van naw kami likhim cu kut ung kami kawt ci.

NEHEMIAH 4:23 Referans Kwoze

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

NEHEMIAH 5:16

Kei naw mangpang cawh ba nak ung ka thagui avan ka mang ci, a i khawh phi angcheng kä ka lak ci. Kei ah phäh ah bii bik ciah chang nü naw cawh ba nak ung bi law tuk ci gui.

SUKI GUI 9:48

Ani cu ak chang gui awn Zalmon m’htung ah hang kai ci gui. Acu ah ani naw ghei la ne sing ban tupit neta, ak phleing ung tai ne kawt ci. Ani naw ak chang gui phi ang ghit ah ami cit u vai ah pyen na gui sei, acun ah ci tuk ci gui.

SUKI GUI 5:11

Ngai vä! Tui shawk ah ng’veing ung chang k’da ng’üng cang ci gui nei, ngami naw Bawipa ah näng nak pyen ci gui, Israel chang gui ah näng nak pyen ci gui nei! Bawipa ah chang gui cu ami mang gaw gui ungka ng’phäi lawk ci gui nei.

NEHEMIAH 4:22

Cun sang ung bik bi angvai gui cu kei naw ka pyen nak ci, ngami la ngami bawm gui cicu mü ah Jerusalem ung ami om vai, cun ung mikmi naw mü ah mang gaw cu ngäng ne, hnüüp ah bii mi bi hning ci.

NEHEMIAH 5:1

Api sho hta khäta, chang gui akda hnumi ni, pami ni cu tün ne ami mät Jew chang gui chiu m’da ne ng’hnung tuk lawk ci gui.

JOEL 2:8

a lam hei ung kä hteit ci gui. Ngami cu ng’tuk vai ah ng’hläm lawk ci gui, a i naw kä ng’düm sak gui mhlawt ci.