NEHEMIAH 4:15 - Cho Bible Common Language 2016

¹⁵ Na tuk gui khai ah ami pawng ah mawng keimi naw kami hmat ciah kami ga gui naw ng’zah u neta, ngami ah pawng püi cu Khanpughi naw hnim ciah hmat lawk ci gui. Cun kawn ah kami van k’paang kami co ba khai ah kami hteit ba ci.

NEHEMIAH 4:15 Referans Kwoze

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

MAKUH 13:34

Cun ah mawng cu shin ah m’tumtäng nak awn täng ci; Chang tumat cu a kho hei ah hteit vai netah, a im cu ak chang shäm gui-am ap gui shüt ci. Ngami-am ami bi phäh phäh vai ah bi cu phäh m’sak gui ne ap gui shüt ci. M’kawt ngäng ci-am phi geing na ne a ngäng vai ah m’cäi shüt ci.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

NEHEMIAH 4:16

Cun ung tün ne kei ah ka chang gui amshah naw bi sei, amshah naw m’si saphaw sui ne, k’htei ni, shawi ni, limla ni kawt ne ng’düi ne ngäng ci gui. Kami ng’vaihta gui naw paang co ba ciah chang gui cu