Biblia Todo Logo
Bib sou entènèt

- Piblisite -




NEHEMIAH 4:14 - Cho Bible Common Language 2016

14 Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.

Gade chapit la Kopi




NEHEMIAH 4:14
34 Referans Kwoze  

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.


Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.


Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?


Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.


Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.


Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.


Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.


“Bawipa, khankho Khanpughi! Nang cu na dämduh ci, keimi naw kami ning kyih aa ci. Nang ning m’hni ne na thumkhän ah mäih ah bik ci gui ah khan ah thukhän cu bekhüt ne na k’paang ci.


“K’thamah ne, nami m’gäi vai, Assirian uktubawi la a gakap cu kä nami kyin en vai. Ani ah huaham ah tah bä pi ciah huham mikmi ung om ci nei.


Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”


Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.


Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.


Khanpughi ah bi, chang ah ng’lung ah cäicat vai ah a hlün thawh cu, law ne teng law vä.


M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.


Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.


Asiip täng ah ghui ah mäih ah pyü sei hmuh cu, Kä ng’ä ai vai ah Khanpughi ah bämang nak ah kyak ci nei.


Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.


Nangmi ah hmawk ah Bawipa naw ng’tuk bik khai, nangmi naw a i nami bi vai phi kä hlü khai” cik ci.


Ani naw ami yatha ping gui cu ng’shüh sak gui ci. Cun ah kyasei ngami cu khak sei ng’nawn ci gui. Egypt chang gui naw, “Bawipa naw Israel gui ah hmawk ah na ng’tuk püi gui ci nei, shin ungka mi dawng khai nei” cik ci gui.


Ani cu Ephraim khaw-gui ung gawk neta, k’phyung puuk tum ne Israel chang gui cu ng’tuk nak ah khü gui ci; cun kawn ah khaw-gui zung ka naw kyum law ba püi gui ci.


Ami yum nak nawng shüt ciah chang gui cu ghangpughang naw m’hleeihlak gui ne, amät täng ah ami kyak vai ah ci gui khai. Cun ung phi Khanpughi läk ciah chang gui naw ng’tuk püi tuba khai gui.


Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.


Swiv nou:

Piblisite


Piblisite