NEHEMIAH 4:11 - Cho Bible Common Language 2016

¹¹ Kami ga gui naw keimi naw kä ka mi hmu gui khai, keimi ah khan ah ngami naw ami bi law ge güt, a i ah kya te ci, ci cu kä pyen ah ngai u ne, keimi na ngawn gui ne, kami bi düm sak khai gui ah ngai ci gui nei.

NEHEMIAH 4:11 Referans Kwoze

1 THESSALONIAN 5:2

A i ah kyasei ci ung Bawipa ah kho Hnüüp cu khomü ah m’guk-ei a law ah mäih ah gawk lawk khai nei, cicu nangmi nami mät naw nami hmat pyi ah kyak ci.

LAMKTU 23:21

Ngami ah k’thäh law cu kä na yum men vai nei. Lam ah chang sing phli-kip naw ng’thup ne mah ci gui nei. Ngami cu Paul kä ngawn pha ah chuih a i kä ei auk ba vai, cine thukhän ci gui nei. A tuk bäi ge ngami cu Paul ngawn vai ah pawng u neh nang bawi ah thu m’cha cu ging ci gui nei” cine pyein ci.

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

SAM 56:6

Ngami cu ang thuh nak ah ng’bum u ne, kei ah ka bi phung däät ci gui, na ngawn khai gui ah ng’bü ci gui.

2 SAMUEL 17:2

Ani bawngbai ne, ak tha aken yah ung kei naw ka tuk khai. Ani cu kyikyawk khai, ak chang gui ami van dawng yawp khai gui. Kei naw ghangpughang bäng ka ngawn khai,

NEHEMIAH 4:9

cun ung phi keimi Khanpughi ah taigü u ne, ngami phyawn nak vai ah chang gui amü a hnüüp kami ngäng ci.

NEHEMIAH 4:10

Judah chang gui naw ng’äi tumat m’cu ci gui: “Phuih gih kami phuih nak kami tha ken lawk ci nei, Ng’awt sawp akda ghawh vai om ci nei. A i hawcha ah mangpaang cu tuh ngawi kami co khai ang?”

NEHEMIAH 4:12

Cun ung phi keimi ga gui ah ng’lung ah akhin akda ung om ciah Jew chang gui naw law ne, kami ga gui naw na hnung tuk püi gui ne bi vai ami pawng püi cu na m’thein gui ci gui nei.