NEHEMIAH 4:10 - Cho Bible Common Language 2016

¹⁰ Judah chang gui naw ng’äi tumat m’cu ci gui: “Phuih gih kami phuih nak kami tha ken lawk ci nei, Ng’awt sawp akda ghawh vai om ci nei. A i hawcha ah mangpaang cu tuh ngawi kami co khai ang?”

NEHEMIAH 4:10 Referans Kwoze

HAKKAI 1:2

Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

EZEKIEL 29:18

Ani naw pyen ci, “Hnicim chang, Babilonia ghangpughang Nebukhadnezzar naw Taia cu tu pyi ci. Ani naw a gakap gui am cun ah gihgo ci a phuih sak gui ah kya ne, ami lu k’dee ne, ami phleing gui ng’gaai ci, cun ung phi ghangpughang la a gakap gui naw ami khüikha nak avan ungka a i phi kä gah ci gui.

2 SHONTÄP NAK 2:18

Cun gui ungka m’kawn hteh khai ah 70,000, khomhtung ah lung dep khai ah 80,000 la, bilawh nak ung tängpang teng m’kein khai ah 3,600 gui cu k’bäi ne bi sak gui ci.

KHEI NAK 32:9

Ngami cu Eshcol khawnawi ah khüt ne hteit u ne, khaw cu hmuk ci gui, cun ung phi ami ng’hlah law ba täng ah, Bawipa naw a pek gui ah khaw ung luh vai ah chang gui cu tha ken sak ci gui.

KHEI NAK 13:31

Cun ung phi Kaleb awn a täng ah hteit ciah chang gui naw, “Ka, ngami näng nak gui hlawt vai ah mikmi kä mi k’thamah ci nei. A cu ah om ciah chang gui cu mikmi ah ta huham mah pi ci gui nei.

2 SHONTÄP NAK 34:13

A hei Levit gui cu khawh m’kawn m’hteh nak ung tängpang ci gui, bilawh nak päng ung bi bik ciah chang gui khawng mang ci gui. Amshah gui naw ca guk ci gui, amshah gui naw ngäng ci gui.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

NEHEMIAH 4:9

cun ung phi keimi Khanpughi ah taigü u ne, ngami phyawn nak vai ah chang gui amü a hnüüp kami ngäng ci.

NEHEMIAH 4:11

Kami ga gui naw keimi naw kä ka mi hmu gui khai, keimi ah khan ah ngami naw ami bi law ge güt, a i ah kya te ci, ci cu kä pyen ah ngai u ne, keimi na ngawn gui ne, kami bi düm sak khai gui ah ngai ci gui nei.