NEHEMIAH 4:1 - Cho Bible Common Language 2016

¹ Keimi Jew naw gui paang tün ne kami cawh ba cu Sanballat naw ng’ya neta, anghtei ah m’lungshe ne na päipih gui ci.

NEHEMIAH 4:1 Referans Kwoze

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

NEHEMIAH 2:10

Cun ung phi Beth Horon gawnu ungka Sanballat la Ammon khawpäng bawi Tobiah naw, Israel chang gui ah ni nak vai bik khai ah chang tumat lawk ci, cicu ng’ya ni neta ang htei ah m’lungshe ci goi.

LAMKTU 5:17

Cun kawn ah Taigü tung la, apaw gui ah kyak ciah pigaw gui ah ka Sadducee gui cu ang Düihpüi gui ah khan ah ang htei ah käng yah hlü ne m’thüi u netah, ci gui vai ah k’bäi ci gui.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

MATTHE 27:29

Cun kawn ah ng’hling awn sak ah lukhu cu k’bün ci gui. Htung tawn tumat cu ak pat lam kut ung pek ci gui. Cun kawn ah ama ah m’khuukdoong u netah, “Jew ghangpughang cu ghi ne ghing sä,” cine päipih ci gui.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

NEHEMIAH 6:15

Elul cha a hnüüp m’ku lei hma nak, ami bi nak a hnüüp hma kip lei goi nak ung mangpang avan cawh ba cu pyi ci gui.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

JEREMIAH 38:19

Ghangpughang naw m’shang ne, “Babilonian gui ah dawng ci gui ah mi khochang gui cu kei naw ka kyih gui ci nnei. Ngami ah kut ung kei cu ami ap ah a kyak ung na dukdeiu nak khai gui nei.”