NEHEMIAH 3:3 - Cho Bible Common Language 2016

³ Hassenaah pahta gui naw Nga m’kawt cu co ci gui. Ngami naw lawng la shohpaang gui cu a hmun ung tha u ne, shoh khai nak vai ah shoh keing shoh gaw gui phi pyang ci.

NEHEMIAH 3:3 Referans Kwoze

NEHEMIAH 12:39

Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

2 SHONTÄP NAK 33:14

Cun kawn ah Manasseh naw David Mang Gaw ah a kiang täng akpung vongpaang ah a hlüng han m’däm ci, cun cu a siiptäng Kihon tuilawng pei khongnawi ungka naw Nga M’kawt la Ophela ah ami pyen ah mang gaw area ung khüt ci. Ani naw Judah kho mang gaw pang khäng päng ung gabawi tumat cu tha ci, a cun ung gakap unit tumat ci om ci.

ZEPHANIAH 1:10

Bawipa naw, “Cun ah hnüüp ung Jerusalem ah nga ah m’kawt ung kyah ah k’aw gui cu nami ng’yak khai. Mawng gaw k’thai lam ah ng’hmum ci la khomhtung ah kai ne ng’güüt ciah k’aw cu nami ng’yak khai.

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.

NEHEMIAH 7:1

Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

NEHEMIAH 6:1

Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

NEHEMIAH 3:6

Paseah ah hta Joiada la Besodeiah ah hta Meshullam naw Jeshanah m’kawt cu co ci goi. Ngami naw ng’lawng gui la shoh paang cu a hmun ung tha u ne, khai nak vai ah, shoh keing la shoh gaw gui phi pyang ci gui.

NEHEMIAH 3:4

Am cawt cu Hakkoz ah tu hta Uriah ah hta Meremoth naw co ci. Am cawt cu Meshezabela ah tu, Berechiah ah hta, Meshullam naw co ci. Am cawt cu Baana ah hta Zadok naw co ci.

SAM 147:13

Ani naw na m’kawt gui cu k’pang ne khän htek sak ne, na chang gui cu hriham pe gui ci.