NEHEMIAH 3:25 - Cho Bible Common Language 2016

^25-26 Uzai ah hta Palal naw am cawt co ci, cun cu paang ah akit ung tün ne, akhan mang im tänghän gaw ngäng nak ah khaan ung khüt ci; Parosh ah hta Pedaiah naw am cawt co ci, cun cu m’hnüt nak ah akyang täng tui m’kawt pei la Taigüim ngäng nak ah tänghän ung khut ci. (Cun cu mang gaw ah avang Ophela ah ami pyen ah pei, Taigüim ung bii bik ci gui ah om nak ah kyak ci.)

NEHEMIAH 3:25 Referans Kwoze

JEREMIAH 32:2

Cun yah cu Babilonia ghangpughang ah gakap gui naw Jerusalem ami tuk yah ah khin ah kyak ci, kei phi cun yah ung mang im ah väng kyong ah ami na chum ah kyak ci.

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

JEREMIAH 33:1

Kei cu mang im väng kyong ah thawng ka kium yah ung Bawipa ah ng’thu cu gawk law ba mä ci.

NEHEMIAH 12:39

Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

EZRA 2:3

Parosh — 2, 172 Shephatiah — 372 Arah — 775 Pahath Moab (Jeshua la Joab ah hta ng’ shon gui) — 2, 812 Elam — 1, 254 Zattu — 945 Zakkai — 760 Bani — 642 Bebai — 623 Azkad — 1, 222 Adonikam — 666 Bikvai — 2, 056 Adin — 454 Ater (Hezekiah ah phi pyen) — 98 Bezai — 323 Jorah — 112 Hashum — 223 Kibbar — 95

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

JEREMIAH 22:14

“Kei naw mang im nu co ne akhan ah akhan ang shawng gui akda ka pyang khai” ci ne khähghah cicu ng’ziin nak om ci. Ani naw a im ung m’kawt gui pyang ne, cedar sing awn pyang ne a sen awn hluk ci.

NEHEMIAH 8:4

Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.

NEHEMIAH 7:8

Shin cu Israel pahta gui ah tän ah kyak ci, Ami pahta phäh phäh ah khei nak gui, omktu ah ka law ba ci gui ah kya ci: Parosh — 2,172 Shephatiah — 372 Arah — 652 Pahath Moab (Jeshua la Joab ah htangshon gui) — 2,818 Elam — 1,252 Zattu — 845 Zakkai — 760 Binui — 648 Bebai — 628 Azkad — 2,322 Adonikam — 667 Bikvai — 2,067 Adin — 655 Ater (Hezekiah ah phi ami pyen gui) — 98 Hashum — 328 Bezai — 324 Hariph — 112 Kibeon — 95

JEREMIAH 38:13

Ngami naw tui shawk ungka na zu chaang tuba ci gui. Cun kawah kei cu mang im väng kyong ah na om sak a gui.

MIKHAH 4:8

Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.