NEHEMIAH 3:15 - Cho Bible Common Language 2016

¹⁵ Kolahozeh ah hta Shallum, Mizpah district uktu naw tuilawng m’kawt cu co ba ci. Ani naw m’kawt lam cu khuih ne, shopaang cu a hmun ung tha ne, shohkeing la shohgaw gui cu pyang ci. Ani naw a hmun ung shelah tuibüm pei ah mangkhodum tawi ne, David ah mang ung kyum gaw hlaak ung khüt khai ah co ci.

NEHEMIAH 3:15 Referans Kwoze

JOHAN 9:7

(Silom ah ming cu, ‘Tui ci’ ciah kyak ci.) Ani cu hteit ne a hmai vam hla netah m’dei ne law ba ci.

ISAIAH 8:6

Ani naw, “Chang gui naw dinggei ne long ciah shiloah tui lawng cu hnungtuk püi u ne, Ghangpughang Rezin la ghangpughang pekah ah ma ah ami ng’hlet ah hmawk ah,

NEHEMIAH 12:37

Tuikhawng m’kawt ung gawk u neta, David ah mang gaw täng hlaak ung hang kai u ne, David ah mang im han kan u ne, mang gaw ah ak kyang lam, tui m’kawt paang ung ng’hlat law ba ci gui.

LUKA 13:4

Siloam tänghän ng’gäi sei sik ciah chang sing gha-lei-cheit mä Jerusalem ah om ciah chang gui yah tah katnak bi pi ci gui ah nami ngai ci ma?

NEHEMIAH 2:14

Cun ungka naw mang gaw akyang täng tui hta lawng m’kawt la ghangpughang ah tui shawk güt ah ka hteit ci. Kei naw ka ng’cuum nak ah laa naw lung la uk hnget gui bäng ah kyasei lam kä hmu khäta,

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.

NEHEMIAH 3:14

Rehab ah hta Malchijah, Beth Haccherem district uktu naw ng’awt ghawh nak m’kawt cu co ba ci. Ani naw shohpaang gui cu a hmun ung tha ne, khai nak vai ah shohkeing la shohgaw gui phi pyang ci.

NEHEMIAH 3:12

Am cawt cu Hallohesh ah hta Shallum, Jerusalem district avang uktu naw co ci nei. (Abi nak ung a hta hnumi gui naw bawm ci gui.)

NEHEMIAH 3:9

Am cawt cu Hura ah hta Rephaiah, Jerusalem district a teih uk ci naw co ci.

NEHEMIAH 3:7

Am cawt cu Kibeon ah ka Melatiah, Meronoth ah ka Jadon la Kibeon chang gui la Mizpah chang gui naw Euphratis akhei täng uktubawi ah im ung khüt ne co ci gui.

2 SHONTÄP NAK 32:30

Kihon tuilawng alon nak khai ne tui m’yawng co ne, Jerusalem pang kyong ah long khai ah m’hlon cicu Ghangpughang Hezekiah ah kyak ci. Hezekiah cu a bilawh päng m’khüt näng ci.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

SUKI GUI 20:3

Cun yah ung a hei Israel chang gui ami van Mizpah ung ami ng’bum cu Benjamin chang gui naw ng’yak ci gui. Israel chang gui naw, “Na m’thein gui ä, shin ah katnak cu a i hawk cha ah kya lawk ci ang?” cine ng’shik ci gui.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

NEHEMIAH 2:17

Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”

NEHEMIAH 3:19

Jeshua ah hta Ezera, Mizpah uktu naw sehnget im ah ma ung am cawt cu co ne mangpaang kit ah hlah nak ah hmun ung khüt ci.

THUSHÄUTU 2:6

A cun gui tui shawi nak vai ah tuishawk phi ka pyang ci.

2 SAMUEL 5:9

Mangpang ami khäm kawn ah David cu a cun ung om neta, “David Mang Gaw” ah aming sui ci. Ani naw mang gaw cu veing ne cokyang ci, khomhtung ah a kiangtäng khaw dou cu k’be ne cokyang ci.