NEHEMIAH 3:14 - Cho Bible Common Language 2016

¹⁴ Rehab ah hta Malchijah, Beth Haccherem district uktu naw ng’awt ghawh nak m’kawt cu co ba ci. Ani naw shohpaang gui cu a hmun ung tha ne, khai nak vai ah shohkeing la shohgaw gui phi pyang ci.

NEHEMIAH 3:14 Referans Kwoze

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

NEHEMIAH 2:13

Mang gaw ungka kami luh law yah ung khaw hmüp sang ci, akhei täng khaw ng’nawi m’kawt ungka naw, a htum täng k’phyunu tuilawng ungka naw ng’awt m’kawt ung kami hteit ci. Cun ah hteit neta ng’phyek ciah mang gaw k’paang gui, mei ah uih ah m’kawt gui cu kei naw ka teng ci.

NEHEMIAH 3:9

Am cawt cu Hura ah hta Rephaiah, Jerusalem district a teih uk ci naw co ci.

NEHEMIAH 12:31

Kei naw Judah ami ng’vai gui cu mang gawpang khan ah ng’bum sak gui neta, mang gaw veing ne Khanpughi m’hlüngtai khai gui ah akdäm ciah hnih ah k’pai sak gui ne tängpang sak gui ci. Ak htük ah bum ät cu k’pat täng ah hteit ne, paang ah amwng ah khaan, ng’awt tha nak m’kawt täng ah hteit ci gui.

2 SAMUEL 4:2

Ishbosheth ung a bawi hnih om ci, ngani cu ng’mün ciah parti ung ang vai goi ah kyak ci, ngani cu Rimmon ah hta goi Baanah la Rechab, Beeroth kyong, Benjamin pakhui ah kyak ci goi. (Beeroth cu Benjamin ah ng’pai ah kyak ci.

1 SHONTÄP NAK 6:40

Michaela, Baaseiah, Malchijah.

2 GHANGPUGHANG GUI 10:15

Jehu cu tün ne hteit law ba neta lam ung Rechab ah hta Jonadab awn ng’hmuk ci goi. Jehu naw yavaih neta a pyen cu, “Nang la kei ni täng ciah ka ngai ci. Kei na na k’cang nak ci ang?” cik ci. Jonadab naw, “Na kut na pe ä” ci sei ani kut ng’pang ni neta Jehu naw yatha ah khan ah kai tu sak neta, a pyen cu,