NEHEMIAH 3:1 - Cho Bible Common Language 2016

¹ Shin cu mang gaw pang ami cawh ba ah mawng ah kyak ci. Taigüpa Eliashib la ak taigü gui naw Htome M’kawt cu co ba u ne, shoh cu a hmun ung tha ci gui. Ngami naw paang cu Kumphia Tänghän la Hananela Tänghän güt ah ap ci gui.

NEHEMIAH 3:1 Referans Kwoze

NEHEMIAH 12:39

Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

JEREMIAH 31:38

Bawipa naw pyen ci nei, “Jerusalem mang gaw cu akhei täng Hananela Tänghän ung ka naw Akit m’kawt ung khüt sei Jerusalem avan cu kei ah mang gaw ah cawh ba nak vai ah akhin cu gawk lawk ci nei.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

ZEKHARIAH 14:10

Khaw ng’lei avan a siiptäng Keba ungka naw, a htumtäng Rimmon ung khüt khai ah pingtei sa khai. Jerusalem cu khaw avan ah khan tänghän ah kyak khai; Mang gaw cu Benjamin m’kawt ungka naw m’kiungtung m’kawt ung khüt ci, cun cu yanä m’kawt man ah kyak ci. Hananela tänghän ungka naw mang ah sapyit neen nak ung khüt ci.

NG'THU K'THUUK~ 3:9

Na lo ung na geit avan ungka am theihpai htük akni pi cu Bawipa am douthak ne na m’tamkhah vai.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 3:32

A hnu ah am cawt cu ghuishep gui la sumlei ci gui naw co ci gui, akit ung om ciah akhaan ung ka naw, htome m’kawt ung khüt ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

SAM 30:1

Bawipa, na na hun ah hmawk la ka gaa gui naw kä ami na gaih tu vai ah na hteh püi ä, ka ning m’taam ci nei.

NEHEMIAH 12:30

Taigü gui la Levit gui naw ami mät ah phäh, chang gui ah phäh la m’kawt gui, mang gawpaang gui ah phäh ah akcang ah theingthap nak cu bik ci gui.

NEHEMIAH 7:1

Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

NEHEMIAH 6:1

Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

NEHEMIAH 3:20

Zabbai ah hta Baruk naw am cawt cu co ne, Taigütung Eliashib ah im ung luhnak ung khüt khai ah co ci;

THULÄÄN NAK 20:5

“Cun kawn ah bawi gui naw chang gui am, thu küi ami pyen nak cu, ‘Shin ung im co ghet ne im kä ap phak ciah chang a u om ne ang? A om ah a kyak ung a im ah hteit ba sä. A cun ung ani cu ng’tuk nak ung ami ngawn tu ah a kyak ung, a hei chang tumat naw vah a im cu lak khai.

NEHEMIAH 12:10

Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

SAM 48:12

Khanpughi ah chang gui, Zion cu veing ne hteit ne, tänghän gui cu khei vä;

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

NEHEMIAH 3:21

Hakkoz ah tu, Uriah ah hta Meremoth naw am cawt cu co ne Eliashib ah im ah akhüt nak ung gawk ci.

NEHEMIAH 13:4

Taigü Eliashib cu Taigüim khei ung angvai ah kyak ci, ani cu Tobiah awn ashou akni ah ng’khawt ci goi.