NEHEMIAH 2:8 - Cho Bible Common Language 2016

⁸ Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.

NEHEMIAH 2:8 Referans Kwoze

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

ISAIAH 66:14

A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

DANIEL 1:9

Cun ah kyasei Khanpughi naw Daniela cu Ashpenaz naw a chimgein vai ah bii bik ci.

EZRA 5:5

Cun ung phi Jew chang gui cu Khanpughi naw ngäng gui sei, Persian bawi gui cu Dirius am ca ami guk ung, kä ang hlan law pha ah chuih a i ah kä ci gui vai ah k’bäi ci gui.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

2 KORIN 8:16

Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

THUSHÄUTU 2:5

Kei naw dum gui, lo gui ka geit ci, a cun ung sing theih gui avan om ci;

THUSHÄUTU 2:6

A cun gui tui shawi nak vai ah tuishawk phi ka pyang ci.

EZRA 6:8

Cawh kyan nak ung ami bawm gui vai ah kei naw thumkhän ka ning pe gui ci, cawh pyan nak ung ng’pyi ciah ngui cu Euphratis akhei täng ung akhon loh ah mang im ngui ungka kä m’düm ne pek vai nei. Cun ung bi nak cu kä ng’düm khai.