NEHEMIAH 2:4 - Cho Bible Common Language 2016

⁴ Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

NEHEMIAH 2:4 Referans Kwoze

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

MAKUH 10:51

Bawipa Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “Bawipa, ka mik nam dei ba sak ä” cine pyein ci.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

ESTA 7:2

Cun cu ak hnih vei nak ah kyak ci. Sapyit tui aw law neta ghangpughang naw Esther cu ng’shi ba mä ci, “Tuhbäi ghangpughangnu Esther, a i ang na ng’yak hlü? Na m’thein ä, na gah khai nei. Kei naw ka uknak khaw ah ateih phi ka ning pek khai.”

ESTA 5:6

Sapyit tui aw neta ghangpughang naw, “Na ng’yak hlü cu na m’thein ä, na gah khai nei, nang ah na k’thäh cu ka ning pek khai nei” cik ci.

ESTA 5:3

Ghangpughang naw, “Ghangpughangnu, amawng a i ang a om? Na ng’yak hlü cu na m’thein ä, na gah khai nei — ka uknak khaw ah a teih phi ka ning pek khai nei” cik ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

NEHEMIAH 2:5

uktu bawi ah ma ah ka pyen cu, “Nang ka bawimang naw kei cu na yei na ne, ka ng’yoih thäh cu na ng’yak hlü ah a kyak ung, ka pupa gui naw ami ng’phuh nak ah Judah khaw ah na hteh sak ä, cun ung kei naw mang gaw ka co ba hning khai nei” cik ci.

NEHEMIAH 2:20

Kei naw m’shang gui ne, “Khankhaw Khanpughi naw näng nak na pe gui khai. Keimi cu ani ah na changshäm gui, keimi naw tuhbäi ung tün ne kami cokyang lawk khai. Cun ung Jerusalem ung nang ah chaw tu vai a i khawh phi kä om ci, na ng’pai tu vai ah thungyo phi kä om ci.”

NEHEMIAH 1:5

“Bawipa, khankho Khanpughi! Nang cu na dämduh ci, keimi naw kami ning kyih aa ci. Nang ning m’hni ne na thumkhän ah mäih ah bik ci gui ah khan ah thukhän cu bekhüt ne na k’paang ci.

SAM 136:26

Khankho khanpughi cu m’küi m’to vä; Ani ah m’hni nak cu ng’täi ci nei.

LAMKTU 23:19

Shekshen bawi naw cun ah chang hmaw cu a kut ung k’pang ne a hei ah hteh püi netah, “Kei ah ma ah a i ang na pyein vai a om” ci ne ng’shik ci.