NEHEMIAH 2:3 - Cho Bible Common Language 2016

³ Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

NEHEMIAH 2:3 Referans Kwoze

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

DANIEL 2:4

Ngami naw Aramaik ng’thu awn m’shang u ne, “Kami ghangpughang aw, ghi ne ghing ä Na mang cu na m’thein gui ä Ka mi ning k’phlan pek khai nei” cik ci gui.

1 GHANGPUGHANG GUI 1:31

Bathsheba naw m’khukdong neta, “Ka bawipa ghangpughang cu angtäi ah ghing ne om sä! cik ci.

DANIEL 5:10

Ghangpughang nu naw ghangpughang la bawi ng’vai gui ah ami ng’htau cu ng’ya neta, ei awk nak ah kyong ah lut lawk ci. Ani naw, “Ghangpughang ghi ne ghing ä! Cun aih ah na m’lung kä thüi aih sä, kä cäi ä aih ä.

SAM 137:6

Kei naw kä ka ning shüm ah akyak ung, a hlüngtai pi bäih ka yeikyai nak ah kä ka ning ngaih-tüh ah a kyak ung, ng’äi kä ka m’cu ba hlawt khai ah kya sä!

DANIEL 6:21

Daniela naw m’shang ne, “Ghangpughang ghi ne ghing ä!

DANIEL 6:6

Ngami naw ghangpughang ah hteit u neta ami pyen cu, “Ghangpughang Darius, nang cu khonglän ung ghing ä!

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

2 SHONTÄP NAK 32:33

Hezekiah cu si se, mang ah cim hmun ak khan täng ah phuh ci gui. Judah la Jerusalem chang gui ami van naw a sih yah ung akdämduh ah m’tamkhah ci gui. A htapa Manasseh cu ani ah hnün ung ghangpughang ah kya ba ci.

2 SHONTÄP NAK 28:27

Ghangpughang Ahaz cu si sei Jerusalem ung phuh ci gui. Cun ung phi mang ah phuh hmun ung kä phuh ci gui. A htapa Hezekiah cu ghangpughang ah kya ba ci.

2 SHONTÄP NAK 21:20

Jehoram cu ghangpughang ah a kyak yah ung a khokum thumkip lei goi lawk ci, ani naw Jerusalem ung om ne kum cheit uk ci. Ani a sih yah ung a u phi kä thüi ci. Ani cu David manggaw ung phuh ci gui, cun ung phi mang ah phu hmun ung kä phuh ci gui.

DANIEL 3:9

Ngami naw ghangpughang Nebukhadnezzar ah ma ah, “Mi ghangpughang cu ghi ne ghing sa!

SAM 102:14

Na changshäm gui naw ani cu m’hni ci gui, cun ung phi ani cu di pyi ci; Ngami naw ani cu m’gein ci gui, cun ung phi ani she pyi ci.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

2 GHANGPUGHANG GUI 25:8

Nebukhadnezzar cu Babilonia ghangpughang ah a kyak nak akum gha lei kaw nak, a cha hma nak ah a hnüüp chih nak ung ghangpughang m’cäi ci la gakapbawi ah kyak ciah Nebuzaradan cu Jerusalem ung lut lawk ci.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

NEHEMIAH 2:13

Mang gaw ungka kami luh law yah ung khaw hmüp sang ci, akhei täng khaw ng’nawi m’kawt ungka naw, a htum täng k’phyunu tuilawng ungka naw ng’awt m’kawt ung kami hteit ci. Cun ah hteit neta ng’phyek ciah mang gaw k’paang gui, mei ah uih ah m’kawt gui cu kei naw ka teng ci.

JEREMIAH 52:12

Babilonia ung Nebukhadnezzar ghangpughang ah a kyak nak akum gha lei kaw nak, a cha hma nak ah a hnüp gha hnüüp ung, ghangpughang m’shümthein ci la gakap bawi ah kyak ciah Nebuzaradan cu Jerusalem un glut ci.

ESTA 8:6

Shin ah leibei cu kei ah chang gui ah klhan ah gawk law sei, ka mät ah mätyah gui ami ngawn gui ah a kyak ung, kei a i ah ka kyak khai ang?” cik ci.

SAM 38:7

Kei cu gaw ne mei ah ng’ling ne, ka si law hlük ci nei.

SAM 102:15

Chang pakhui gui naw Bawipa cu kyih khai gui; m’dek khan ghangpughang gui naw a huham cu kyih khai gui nei.