NEHEMIAH 2:20 - Cho Bible Common Language 2016

²⁰ Kei naw m’shang gui ne, “Khankhaw Khanpughi naw näng nak na pe gui khai. Keimi cu ani ah na changshäm gui, keimi naw tuhbäi ung tün ne kami cokyang lawk khai. Cun ung Jerusalem ung nang ah chaw tu vai a i khawh phi kä om ci, na ng’pai tu vai ah thungyo phi kä om ci.”

NEHEMIAH 2:20 Referans Kwoze

LAMKTU 8:21

Khanpughi ah ma ah nang ngaih käng düng ci kyasei kei mi ah bi nak ung, nang kä na bi tuk khai.

EZRA 4:3

Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

SAM 35:27

Kei na hmuh hlük ciah chang gui naw kei cu nak bün u ne, Ng’leng leng ne yei ne m’lau ne, “Bawipa cu hlüng tai aih ci nei, Ak changshäm gui ah näng ah hmawk ah ani cu yei kyai ci nei” cik ci gui.

ISAIAH 56:5

Na ming cu kei ah Taigüim kyong ah shüm ba khai gui, kei ah ka chang gui ah ng’lung ah htanu, htapa m’hnih gui khai.”

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

SAM 20:5

Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.

LAMKTU 10:4

Ani cu cäicat ne khankho chang cu teng netah, “Bawi awi, a i nei” cine ng’shik ci. Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei.

ZEKHARIAH 6:14

Lukhu cu Bawipa ah Taigüim shüm nak, Heladai, Tobijah, Jedaiah la Josiah gui m’taam nak ah kyak ci.

SAM 122:6

Jerusalem ah dimdeeih nak vai ah taigü vä: Nang ning m’hni ci gui cu bämang u sä.

ESTA 4:11

“Hnumi phi, pami phi, a u phi ghangpughang naw kä a khü ah mang im kyong ah lut ciah chang cu sih nak gah khai kyak ci. Cun cu thkhän ah kyak ci. Khopäng gui ung ghangpughang ah chang gui la chang nü naw cun cu hmat ci. Cun ah thukhän phyawn nak vai tumat bäng om ci. Ghangpughang naw chang tumat mat am ak hteipawng a shäng ah a kyak ung, cun ah chang ah hnun gui cu phyawng ci. Cunung phi ghangpughang naw cun ah kei am ana pek nak cu cha ät law pyi ci nei” cik ci.

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

KHEI NAK 10:10

A cun ah mäih ah yeikyai nak ah akhin gui ung nami cha thai pawi gui la a hei yum nak pawi gui ung M’khih ne douthak nak la hmuhchum douthak nak pak law ung phyungheng gui cu nami tum vai. Cun ung kei naw ka ning m’htei gui khai. Kei cu Bawipa nami Khanpughi nei.”

PHYAWN NAK 28:29

“Aaron cu theingciim hmun kyong ah a valuh ah a kyak ung, Israel pakhui gha lei goi ah ming awn guk ah ng’kyangsaphaw cu k’bah khai. Cun ung kei, Bawipa naw ka chang gui cu angtäi sei ka shüm gui khai.

TAIGÜTHUM 24:7

Ang thoot päng ung tui ng’ui tha vai, cun cu m’htut ah hnün ung Bawipa am ei-douthak ah m’hnüt nak ah kyak ci.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

SAM 102:17

Ami nawng ah ak chang gui cu ngai gui ne, ami taigü cu ngaih pe gui khai.