NEHEMIAH 2:18 - Cho Bible Common Language 2016

¹⁸ Cun kawn ah Khanpughi naw a i cha ah ana om püi, ana m’hteihtang la, uktu bawi naw a i ah ana pyen nak cu ka m’thein gui ci. Ngami naw na m’shang u ne, “Tün ne mi co khai nei” ci u ne ngami cu bi lawh ge vai ah om ci gui.

NEHEMIAH 2:18 Referans Kwoze

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

2 SHONTÄP NAK 32:5

Ghangpughang naw vongpaang pyan ne ak khan ah tänghän co ne, akpung vongpaang co pyang ne mang gaw shungvong ci. Jerusalem gaw phyim a kiangtäng ung ng’shung nak vai co ne khui gui phi pyang ci. Ani naw k’htei gui la shawi gui phi akda ah pyang ci.

1 SHONTÄP NAK 19:13

Khüighat ne k’thamah vai! Mi chang gui la mi Khanpughi ah mang gaw gui ah phäh ah aktung ah mi ng’tuk khai nei. Bawipa naw angyak hlü ah kya sä” cik ci.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

2 SAMUEL 2:7

Khüi ghat vä! M’gäi vä! Nami ghangpughang Saul cu si pyi ci, Judah chang gui naw ami ghangpughang ah kei cu na hmoh pyi ci gui nei” cik ci.

1 SHONTÄP NAK 11:10

Shin cu David ah mingthang ciah gakap gui ah ming gui ah kyak ci. Israel chang gui awn atäng ah, Bawipa ah shaitak ah mäih ah ani ghangpughang ah a kyak law vai ah m’hteihtang ci gui, ngami naw ani ah uknak khaw khüighat law pi khai ah bik ci gui.

1 SAMUEL 23:16

Jonathan cu a cu ah hteit neta, Khanpughi ah ngäng m’htei nak ah mawng a ngaih gep vai ah k’thamah nak pek ci.

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.