NEHEMIAH 2:17 - Cho Bible Common Language 2016

¹⁷ Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”

NEHEMIAH 2:17 Referans Kwoze

EZEKIEL 5:14

Nami vein gung om ciah pakhui gui ning sun gui ciah chang nü naw ami m’nei k’päi nei ning lek gui khai nei.

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

SAM 79:4

Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.

NG’ÄI KYAH 3:51

Mang gaw ung hnumi gui ah khan ah kya lawk ci gui cu ka hmuh ung ka m’lung kyong cu thüi aih ci nei.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

SAM 44:13

Nang naw keimi ah khan ah na bi cu kami peileng gui naw hmu u neta, na päipih u ne, na gaih tu gui ci gui.

1 SAMUEL 11:2

Nahash naw, “Amawng tumat ung, kei naw nangni awn ng’gei nak ka bik khai: Kei naw chang päng ah k’pat lam mik cu ka kawih khai, Israel avan ung thüi sei nak ka law püi khai” cik ci.

NEHEMIAH 2:13

Mang gaw ungka kami luh law yah ung khaw hmüp sang ci, akhei täng khaw ng’nawi m’kawt ungka naw, a htum täng k’phyunu tuilawng ungka naw ng’awt m’kawt ung kami hteit ci. Cun ah hteit neta ng’phyek ciah mang gaw k’paang gui, mei ah uih ah m’kawt gui cu kei naw ka teng ci.

NEHEMIAH 2:16

Kei a hawi hteit ne, a i ka bi cu, cun ung om ciah bawi a u naw phi kä hmat ci. Cun cu ka Jew paw chang gui — taigü gui, angvai hta gui, bii bi tuk ci tumat am phi tu ä kä ka m’thein tuk ci.

NEHEMIAH 3:15

Kolahozeh ah hta Shallum, Mizpah district uktu naw tuilawng m’kawt cu co ba ci. Ani naw m’kawt lam cu khuih ne, shopaang cu a hmun ung tha ne, shohkeing la shohgaw gui cu pyang ci. Ani naw a hmun ung shelah tuibüm pei ah mangkhodum tawi ne, David ah mang ung kyum gaw hlaak ung khüt khai ah co ci.

EZRA 9:9

Keimi khleihtein ah kami kyak ci. Cun ung phi nang naw khleihteinung kä na na nawng gui ci. Persia ghangpughang gui naw na hmai kyang na gui khai gui ah nang naw na bik ci. Ghing ne hteh ba sak gui ne, didap ciah na Taigüim na na cawh ba sak gui ci. Shin ah Judah la Jerusalem ung phyawng ne om vai ah na na m’htei gui ci.

SAM 44:14

Chang pakhui gui ah ng’lung ah chang naw ana khui shui gui vai ah na bik ci, Ngami cu keimi ah khan ah ami lu tum ne mak ci gui.

SAM 102:15

Chang pakhui gui naw Bawipa cu kyih khai gui; m’dek khan ghangpughang gui naw a huham cu kyih khai gui nei.

MIKHAH 7:11

Jerusalem chang gui, mang gaw paang cawh ba nak vai ah a khin cu gawk lawk ci nei. Cun ah khin ung na khaw ng’shawng law pi khai nei.