NEHEMIAH 2:14 - Cho Bible Common Language 2016

¹⁴ Cun ungka naw mang gaw akyang täng tui hta lawng m’kawt la ghangpughang ah tui shawk güt ah ka hteit ci. Kei naw ka ng’cuum nak ah laa naw lung la uk hnget gui bäng ah kyasei lam kä hmu khäta,

NEHEMIAH 2:14 Referans Kwoze

NEHEMIAH 3:15

Kolahozeh ah hta Shallum, Mizpah district uktu naw tuilawng m’kawt cu co ba ci. Ani naw m’kawt lam cu khuih ne, shopaang cu a hmun ung tha ne, shohkeing la shohgaw gui cu pyang ci. Ani naw a hmun ung shelah tuibüm pei ah mangkhodum tawi ne, David ah mang ung kyum gaw hlaak ung khüt khai ah co ci.

2 GHANGPUGHANG GUI 20:20

Ghangpughang Hezekiah ah abi gui päng, ani ah am gäi nak gui, tui a shawk gui, mang gaw kyong ah tui a shün gui, avan cu Judah ghangpughang gui ah mawng ca uk ung avan guk ah kyak ci.

2 SHONTÄP NAK 32:30

Kihon tuilawng alon nak khai ne tui m’yawng co ne, Jerusalem pang kyong ah long khai ah m’hlon cicu Ghangpughang Hezekiah ah kyak ci. Hezekiah cu a bilawh päng m’khüt näng ci.

2 GHANGPUGHANG GUI 18:17

Assirian uktubawi naw Lachish ungka naw Jerusalem ung Hezekiah tuk khai ah gakap akda tüi lawk ci; acun cu ani ah ak hlüng pi ah bawi gui thum naw tängpang ci gui. Ngami cu Jerusalem ung gawk law u ne, a khan täng ah ka tui ah lon law nak ah lawng pei, shuntah ci gui ah bi nak ah lam cu khäm u ne a cun ung om ci gui.

NEHEMIAH 12:37

Tuikhawng m’kawt ung gawk u neta, David ah mang gaw täng hlaak ung hang kai u ne, David ah mang im han kan u ne, mang gaw ah ak kyang lam, tui m’kawt paang ung ng’hlat law ba ci gui.

THUSHÄUTU 2:6

A cun gui tui shawi nak vai ah tuishawk phi ka pyang ci.

NEHEMIAH 3:16

Azbuk ah hta Nehemiah, Bethzur district a teih uk ci naw am cawt cu co ne David ah phuh hmun, tuishawk la gakapim gui ung khüt khai ah co ci.