NEHEMIAH 2:10 - Cho Bible Common Language 2016

¹⁰ Cun ung phi Beth Horon gawnu ungka Sanballat la Ammon khawpäng bawi Tobiah naw, Israel chang gui ah ni nak vai bik khai ah chang tumat lawk ci, cicu ng’ya ni neta ang htei ah m’lungshe ci goi.

NEHEMIAH 2:10 Referans Kwoze

NEHEMIAH 4:7

Sanballat, Tobiah la Arabia, Ammon, Ashdod chang gui naw Jerusalem paang bä law pi pi khai ah kami cawh ba la paang ung ak pawk gui kami m’ghu ba gui cu ng’ya u neta anghtei ah m’lungshe ci gui.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

NG'THU K'THUUK~ 27:4

M’lungshe nak cu nget ngawng nak la dishum nak ah kyak ci, Cun ung phi m’thüikhang nak cu cun ah ta sheka pi ci.

NEHEMIAH 13:4

Taigü Eliashib cu Taigüim khei ung angvai ah kyak ci, ani cu Tobiah awn ashou akni ah ng’khawt ci goi.

NEHEMIAH 6:1

Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

LAMKTU 5:24

Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.

LAMKTU 4:2

Ngah mi naw sih nak ung ka thawh ba nak ah mawng, m’dang ciah Bawipa Jesuh ah thawh ba ah mawng cu, m’thein gui ni khä tah ngah mi cu m’lung k’she ci gui.

JEREMIAH 48:34

Heshbanla Elealeh ung chang gui cu kyap ci gui, ngami ah kyah cu Jahaz ah ka güt naw ng’yak nei; Cun cu Zoar chang gui naw ng’yak ci gui. Hnronaim la Eklath Shelishiyah ah ka naw phi ng’yak nei. Nimrim tui hta phi ket ci nei.

JEREMIAH 48:5

Luhith ah hteh nak lam ung ami hngääk gui la Horonaim zu kyum nak lam ung thüi ne ami kyah cu ng’ya vä.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

THUSHÄUTU 10:7

Changshäm gui cu ng’se ung cum u sei, chang pacawng gui cu changshäm ah mäih ah ami kholek awn hteit hton ci gui. Kei naw ka hmu gui ci.

NG'THU K'THUUK~ 30:22

Ghangpughang ah kya lawk ciah changshäm, A ei vai ang yak hlü avan om ciah chang gu ang,

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

NEHEMIAH 13:1

Moses ah thukhän cu chang gui ah ma ah m’lau ne ami phat law ung cun ung chang gui gawk ne Ammonit gui la Moabit gui cu a i sang ung phi Khanpughi ah chang gui ung kä ng’dawn tuk khai gui, kä pe gui lawk ci.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

ESTA 10:3

Jew chang Mordekai cu Ghangpughang Ahasuerus tawi ciah ang vaipi ah kyak ci. Ani cu a Jew chang paw gui naw ang htei ah m’hni u ne, ami m’tamkhah ah kyak ci. Ani naw a chang gui ah ami ni nak vai la ami htangshon gui ami van ah ngaih gep nakl vai ah k’tha na ne bik ci.

JEREMIAH 41:10

Cun kawn ah ani naw ghangpughang ah hta hnumi gui la mizpah ung om ciah chang avan cu pha gui ci, ngami cu kedaliah naw am htei gui vai ah gabawi Nebuzaradan naw atha te ah kyak ci. Ishmaela naw cun gui cu pha gui neta Ammon khopäng täng ah hteh püi gui ci.