NEHEMIAH 13:6 - Cho Bible Common Language 2016

⁶ Shin gui ah akyak yahung, kei cu Jerusalem ah kä ka om a i ah kyasei ci ung Artaxerxes ah Babilon ghangpughang ah akyak nak akum thumkip lei goi a law nak ung ani am ng’thu ka m’thein khai ah kei cu ka hteit ci. Cun kawn ah ani ah zumtu nak cu gah neta,

NEHEMIAH 13:6 Referans Kwoze

NEHEMIAH 5:14

Kei cu Judah kho ung uktu ah ka kyak nak kum gha lei goi ah akyong avan ung, Artaxerxes uktubawi ah akum m’ku nak ung ka naw, akum thum kip lei goi nak khüt sei, kei la ka mätyah gui naw, uktubawi ah gah vai ah ei awk cu kä kami lak ci.

MATTHE 13:25

Khomü ät ung chang van ip yawp khätah, gaa tumat law ne m’ghaw m’shi cu phu shüt netah hteit ba ci.

NEHEMIAH 2:1

Cha phli a lung kawn ah hnüüp ät ung uktubawi Artaserxes naw mü ei a ei yah ung kei naw sapyit tui ka thak ci. Ani naw a yanä kei ka hmai m’kyum ngä sei kä na hmuh man ci.

EZRA 6:22

Ngami naw k’caw kä shum ah m’htut ei nak ah pawi cu hnüüp chih ung yeikyai ne bik ci gui. Ngami cu yeikyai aih ci gui. A i ah kyasei ci ung Bawipa naw Assiria ghangpughang cu ngami m’hlüngtai gui khai ah bii bik ci. Cun ah kyasei Israel Khanpughi ah Taigüim ami cawh ba nak bii ami bi cu ani naw k’cang na gui ci.

PHYAWN NAK 32:1

Moses cu khomhtung ah ka kä kyum law ba ne, ak shou a om cu chang gui naw hmu u neta, Aaron ah law u ne ng’bum u ne ami pyen cu, “Egypt khaw ah ka na law püi ba gui ciah Moses a i ah a kyak cu kä kami hmat ci. Cun ah kyasei lam na m’shüm gui khai ah khanpughi cu na pyan pe gui ä.”