NEHEMIAH 13:25 - Cho Bible Common Language 2016

²⁵ Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

NEHEMIAH 13:25 Referans Kwoze

NEHEMIAH 13:17

Kei naw Jew chang vai gui k’ceet ne ka pyen nak gui cu, “Nami bi ah akshe gui cu teng vä! Nangmi naw kyiin hnüüp cu kä nami theingcim sak ci.

EZRA 10:5

Cun ah kyasei Ezra naw tün ne taigü gui la Levit gui ah ami ng’vai gui la k’pawih ciah chang avan am, Shekaniah ah pyen ah mäih ah kami bik khai nei, ciah thukhän sak gui ci.

THULÄÄN NAK 7:3

Ngami awn kä nami ng’chungla en vai, nami htanau gui phi ngami awn kä ami ng’chungla en vai.

NEHEMIAH 13:11

Taigüim nawng vai ah tängpang ciah ami bawi gui cu kei naw ka k’she na gui ci. Cun kawn ah Levit gui la ng’äi awm ci gui cu Taigüim ah law püi ba gui ne, bii ka bi ba sak gui ci.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

NEHEMIAH 5:13

Cun kawn ah kei naw ka khei pat nak cu suut ne, k’thüng neta, “Nangmi ungka a shaitak kä k’pang cicu Khanpughi naw ashik cha ah bik khai. Khanpughi naw nami im gui la nami khawh gui avan cu ashik cha ah la yawp khai, nangmi cu ak plui ah ning nawng gui khai.” Cun ung om tuk ci phung naw pyen u ne, “Amen” cik ci gui, Bawipa m’hlüngtai ci gui. Ami ng’vai gui naw ami shaitak cu k’pang ci gui.

EZRA 7:26

Chang tumat mat naw na Khanpughi ah thukhän gui, kä cung ghangpughang ah thukhän gui, Kä aläk ah akyak ung ani cu akcang ah m’kyuk vai nei. Sih nak, omktu ah hteh nak, a khawh guh pek nak, thawng ung chum nak pek vai nei.

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

NEHEMIAH 13:24

Ami hmaw gui ateih cu Ashdod ng’thu, kä cung a hei ng’thu ah ng’thu u ne, kami ng’thu ah kä ng’thu thei ci gui.

SAM 119:53

Changshe gui naw n a thukhän ami gäi ka hmuh ung, kei cu ka m’lungshek ci nei.

NEHEMIAH 5:6

Cun ah chiu ami m’da cu ng’ya neta kei ka m’lungshek sei,