NEHEMIAH 13:23 - Cho Bible Common Language 2016

²³ A cun ah khin ung Jew chang gui akda naw Ashdod, Ammon, la Moab ung hnumi gui cu chu na u sei ka hmuk ci nei.

NEHEMIAH 13:23 Referans Kwoze

NEHEMIAH 10:30

Kami khaw ung om tuk ciah khuihei chang gui awn kä kami ng’chungla khai.

EZRA 10:10

Taigü Ezra cu ng’düi law ne ng’thu pyen ci. Ani naw, “Nangmi naw akhohei hnumi gui chu na u ne, kä bekhüt nak ah cheishoh nak cu Israel gui ah khan ah nami law püi ci.

2 KORIN 6:14

Kä yum ci gui awn a täng täng ah kä nami hnün thawh vai, atäng ah om ih vai ah kä kyak ci. Ak ni la ak ka cu kä ng’gui ng’pha hlawt khai goi. Akdei la ak hnüp cu a täng ah kä om hlawt khai goi.

NEHEMIAH 13:1

Moses ah thukhän cu chang gui ah ma ah m’lau ne ami phat law ung cun ung chang gui gawk ne Ammonit gui la Moabit gui cu a i sang ung phi Khanpughi ah chang gui ung kä ng’dawn tuk khai gui, kä pe gui lawk ci.

EZRA 10:44

Shin gui ami van naw khohei chang chu nak ci gui. Ngami naw ami chu gui nawng gui u ne, gawt gui ne ami hta gui phi, ahei ah k’täm gui ci gui.

NEHEMIAH 4:7

Sanballat, Tobiah la Arabia, Ammon, Ashdod chang gui naw Jerusalem paang bä law pi pi khai ah kami cawh ba la paang ung ak pawk gui kami m’ghu ba gui cu ng’ya u neta anghtei ah m’lungshe ci gui.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

1 GHANGPUGHANG GUI 11:1

Solomon naw a khawhei chang hnumi gui akda m’hni gui ci. Ani naw Egypt ghangpughang ah hta hnumi bäng ah kä kyak ciah Hittite hnumi gui la Moab ah ka, Ammon, Edom la Sidon ah ka hnumi gui phi chu na gui ci.

NEHEMIAH 13:24

Ami hmaw gui ateih cu Ashdod ng’thu, kä cung a hei ng’thu ah ng’thu u ne, kami ng’thu ah kä ng’thu thei ci gui.

NEHEMIAH 13:27

Keimi naw nangmi cu ning theingbang tu u ne, akhawhei chang hnumi chu na ne, kami Khanpughi kä läk ne kami om khai ma?

RUT 1:4

Cun ah a hta goi naw Moab hnumi hnih chu nak ci goi, tumat ah chu cu Orpah ah kyak ci, a hei tumat ah chu cu Ruth ah kyak ci. Ngami a cu ah kum gha hlawk ami om tu kawn ah,

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.