NEHEMIAH 13:22 - Cho Bible Common Language 2016

²² Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 13:22 Referans Kwoze

NEHEMIAH 12:30

Taigü gui la Levit gui naw ami mät ah phäh, chang gui ah phäh la m’kawt gui, mang gawpaang gui ah phäh ah akcang ah theingthap nak cu bik ci gui.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

NEHEMIAH 12:10

Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

NEHEMIAH 5:19

O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.

2 SHONTÄP NAK 29:27

Hezekiah naw m’khih ne douthak nak ami bi vai ah ng’thukbäi ci, douthak nak ami tün vai am chang gui naw Bawipa m’tam ne ng’äi m’cu ci gui, tumkhawng ci gui naw phyungheng gui la tumkhawn avan tum ci gui.

2 SHONTÄP NAK 29:24

Cun kawn ah taigü gui naw me gui cu ngawn u neta, chang van ah katnak nawt heng ne khawihnah nak ah si gui cu sonkiang ah khan ah huk ci gui. Cun cu Israel chang avan ah ghangpughang naw ang thumkhän gui ah kyak ci.

2 GHANGPUGHANG GUI 23:4

Cun kawn ah Josiah naw Taigütung Hilkiah, aka ungka taigü gui la Taigüim luh nak ung ngäng ciah chang gui am Baala khawihnah nak ung ami mang gui ah khanpughinu Asherah, aisi gui cu Taigüim ah akpung ah hteh püi sak gui ci. Ghangpughang naw cun gui avan cu mang gaw ah akpung Kidron Khongnawi ah m’khih ne, m’vut cu Bethela ah hteh püi ci.

THULÄÄN NAK 5:12

“Kyiin hnüüp cu ngaih na ne nami theingciim sak vai. Kei, Bawipa, nami Khanpughi naw ka ning thumkhän gui ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.