NEHEMIAH 13:2 - Cho Bible Common Language 2016

² Cun cu a i ah kyasei ci ung Israel chang gui Egypt khaw ah ka ami law ba lam ah Ammon la Moab chang gui naw tui ei kä ami peit tu gui ah phäh ah kyak ci. Ngami naw Balaam am ngui pe ne Israel gui cu taam sak gui ci gui. Cun ung phi kami Khanpughi naw taam nak cu hriham ah lat ci.

NEHEMIAH 13:2 Referans Kwoze

THULÄÄN NAK 23:5

Cun ung phi Bawipa nami Khanpughi naw Balaam cu kä ngai ci; ani naw plahtam nak cu hriham ah m’hlat ci, a i ah kyasei ci ung ani naw ning m’hni gui ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

SAM 109:28

Ngami naw na plah u sä, cun ung phi nang naw hriham na na pek khai. Na dukdeiu nak ci gui cu hnim gui u sä, kei, na na changshäm cu ka yei khai nei.

KHEI NAK 23:18

Cun ung Balaam naw shin ah ng’cängbang nak cu ng’shäu ci: “Law ä, Zippor ah hta ah hta Balak aw, Kei naw ka pyen law vai cu ngai ä.

2 PETER 2:15

Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

THULÄÄN NAK 23:3

“A u Ammonit, käcung, Moabit, ami htangshon gui, ang shon gha ung khüt ci phi Bawipa ah chang ah kä kya tuk khai.

THULÄÄN NAK 23:4

Egypt khaw ah ka nami law ba täng ah ngami naw tui la ei kä ning pe tu gui ci gui, ngami naw Beor ah hta Balaam, Mesopotamia khaw Pethora mang gaw ung ka cu ghüh u ne, nang mi ning tam sak ci gui.