NEHEMIAH 13:17 - Cho Bible Common Language 2016

¹⁷ Kei naw Jew chang vai gui k’ceet ne ka pyen nak gui cu, “Nami bi ah akshe gui cu teng vä! Nangmi naw kyiin hnüüp cu kä nami theingcim sak ci.

NEHEMIAH 13:17 Referans Kwoze

NEHEMIAH 13:11

Taigüim nawng vai ah tängpang ciah ami bawi gui cu kei naw ka k’she na gui ci. Cun kawn ah Levit gui la ng’äi awm ci gui cu Taigüim ah law püi ba gui ne, bii ka bi ba sak gui ci.

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

MIKHAH 3:9

Israel uktu gui, na ngai vä! nangmi cu taga ci thüi ne u ne, ahman cu ahma ah nami lat ci.

MIKHAH 3:1

Ngai vä, nangmi Israel Uktu gui! Nangmi cu taga ciah bi nak nami hmat ciah kya lang ne,

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

JEREMIAH 5:5

Kei naw huham mah ciah chang gui ah a i ak thäh, ami Bawipa naw a i ami bi vai angyak hlü cu, akcang ah hmat khai gui.” Cun ung phi ngami ami avan naw Bawipa ah huham cu hnungtuk püi u ne, ani ah ng’thu ngaih vai cu mak ci gui.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

NEHEMIAH 5:7

Ka hnüntho khai ah ka k’bäi ci. Kei naw chang gui ah ami ng’vai gui la bawi gui am ka pyen na gui ci, “Nangmi naw nami phäi nau gui nami shedam na gui ci nei!” Kei naw shin ah ng’cuhvah pyen khai ah chang khli khü neta

NEHEMIAH 13:16

Tire mang gaw ung ka Jerusalem ah om tuk ciah chang amshah gui naw nga la khawh a hlü hlü cu mang gaw kyong ah law püi ne, kyiin hnüüp ung mi chang gui am yawih na gui ci gui.

TAIGÜTHUM 19:17

“Chang tumat mat hnungtuk ne m’lung kä m’hni nak kä na m’dang vai, cun ung phi ani awn kä täng khai ah na om vai. Cun ung ani ah hmawk ah nang naw katnak kä na bik khai.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.