NEHEMIAH 13:15 - Cho Bible Common Language 2016

¹⁵ Cun sang ung Judah ung chang gui naw kyin hnüüp ung sapyit theih neen u ne, pümhta, sapyit tui, sapyit theih, thei, la ahei gui cu ng’sela ung taih ne Jerusalem ah hteh püi u sei ka k’bäi gui ci.

NEHEMIAH 13:15 Referans Kwoze

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.

NEHEMIAH 13:21

Kei naw thu ka k’bäi gui ci, “Nangmi naw khaw thaih güt akpung ah nami ngäng ung phi akholä vai nei. A shi cha ah nami bi ba ung, kei naw ak ghuih ah ka ning gawt gui khai.” Cun kawn ah ngami cu kyiin hnüüp kä law ba ci gui.

PHYAWN NAK 34:21

“Nangmi ung nami bii nami bi nak vai hnüüp chuk om ci, cun ung phi a hnüüp chih hnüüp ung a i kä nami bi en vai. M’shi geit yah la geit khäm yah ung phi a i kä nami bi en vai.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

JEREMIAH 17:24

“Shin ah chang gui am m’thein gui ä, ngami naw kei ah thumkhän avan ami läk vai nei. Ngami naw kyin hnüüp ung, shin ah mang gaw m’kawt gui kan ne a i phi kä ami phuih en vai. Ngami naw kyin hnüüp cu theingthap ciah hnüüp ah ami yum vai, api ah phi a i kä ami bi en vai.

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

PHYAWN NAK 35:2

Nangmi ung nami bii nami bi nak vai ah khaw hnüüp chuk om ci, cun ung phi a hnüüp chih hnüp cu nami theing sak vai. Ding gei ciah ng’düm nak hnüüp cu kei, Bawipa ung nami ng’apnak hnüüp ah kyak ci. Cun ah hnüp ung bii bik ciah chang phung cu ngawn vai.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

KALATIAN 5:3

Vun ah nak gah ci phung naw thukhän avan cu a läk vai nei, ciah ka ning m’cäi ba gui mä ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

MIKHAH 6:3

Bawipa naw, “Ka chang gui aw, a i ang ka ning bi pek gui man, a i ah ka ning khüikha sak gui man? Na m’shang vä.

JEREMIAH 42:19

Kei naw k’täi ne, “Egypt ah kä hteit ne Judah khaw ung nami om shüt ciah chang gui am Bawipa naw ning m’thein gui ci nei. Cun ah kyasei kei naw tuhbai ka ning k’bai gui ci,

SAM 50:7

“Na ngai vä, ka chang gui, thu ka pyen lawk khai; Israel chang gui, kei naw hnu ng’tuk ne ka ning m’nüm khai. Kei cu Khanpughi, nami Khanpughi nei.

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

NEHEMIAH 13:16

Tire mang gaw ung ka Jerusalem ah om tuk ciah chang amshah gui naw nga la khawh a hlü hlü cu mang gaw kyong ah law püi ne, kyiin hnüüp ung mi chang gui am yawih na gui ci gui.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.

PHYAWN NAK 31:12

Bawipa naw Moses am ng’thu a pyen nak,

PHYAWN NAK 31:16

Israel chang gui naw shin ah hnüüp cu, thukhän m’hnüt nak ah ami shum khek vai.

NEHEMIAH 10:32

Keimi tumat ci naw akum tä sei ngui karam ak hma ci kami pek ci, Taigüim ung mang vai ah bawm nak pek ah kyak ci.

JOB 39:12

Na geit khäm cu phui law ne, Na hlang ung ka htang gui cu law püi ne m’sep khai ah na ngaih u hning khai aw?