NEHEMIAH 13:14 - Cho Bible Common Language 2016

¹⁴ Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

NEHEMIAH 13:14 Referans Kwoze

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

EZRA 7:20

Cun kawn ah Taigüim ah phäh ah na ng’yak hlü a i phi a om ah akyak ung, mang gaw m’küm ungka la ne na mang vai nei.

NEHEMIAH 5:19

O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

2 SHONTÄP NAK 24:16

Israel chang gui ah phäh ah a bilawn gui, Khanpughi ah phäh ah a bilawh gui la Taigüim ung a bilawh gui m’tamkhah nak ah, ani cu David mang gaw, mang ah phuh hmun ung phuh ci gui.

1 SHONTÄP NAK 29:3

Kei naw cun gui ka pek tak awn ah phi, ka mät ah ka ghui la ngui gui phi ka pek ci, a i ah kyasei ci ung kei naw Khanpughi ah Taigüim ka m’hni ah phäh ah kyak ci.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

EZRA 7:24

Nangmi naw taigü gui, Levit gui, ng’äi awm ci gui, Taigüim ngäng ci gui biik’bi gui a u phi a shin ah Taigüim ah mawng phung ung a i akhon phi kä nami loh vai.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.