NEHEMIAH 13:13 - Cho Bible Common Language 2016

¹³ Kei naw shin ah chang gui cu Taigüim khei ngäng ne m’htei khai gui ah ka tha gui ci: Taigü Shelemiah, Thukhän hmat ciah Zadok, la Levit chang Pedaiah, Hanan, Zakkur ah hta, Mattaniah ah tu cu ngami thawi gui ci. Shin ah chang gui naw ami bii k’bi paw gui am ng’düng nak awn petak teipai gui khai gui ciah kei naw ka ngaih gep gui ci.

NEHEMIAH 13:13 Referans Kwoze

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

2 GHANGPUGHANG GUI 22:7

Bii ami bi nak ung ang vai pi cu ng’düng ciah chang ah kyak ci, cun ah kyasei ami ngui mang ah mawng ng’shi gui vai kä hlü ci” cik ci.

1 KORIN 4:2

Cun ah changshäm ung om khai ah k’thamah nak tumat cu amät ah bawi ung ang bekhüt nak ah kyak ci.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

2 GHANGPUGHANG GUI 12:15

Bi nak ung tängpang ciah chang cu htingling ci, cun ah kyasei ngui ah mawng k’thäh ne ng’shi vai kä hlü ci.

1 TIMOTHI 3:10

Ngahmi cu ak htük ung tüihtok nak aut ma u sä, tüihtok nak ami näng ah a kyak ung, ngami cu khuut bi tu u sä.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

LAMKTU 4:35

Cun kawn ah ang düihpüi gui naw tumat ciah, ng’yak hlü ah ciah, tei pai gui ci gui. Cun ah kiah sei ngah mi ung i kä tak cicu kä om ci.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

NEHEMIAH 11:22

M’shümthein gui cicu Jerusalem ung om ciah Levit gui Hashabiah ah tu, Bani ah hta Uzzi ah kyak ci. Ani ah a pupa gui cu Mattaniah la Mikamah ah kyak ci, ani cu Asaph pahta ah kyak ci, acun ah pahta naw Taigüim khawihnah nak ung ng’äi ng’awm tängpang ci gui.

NEHEMIAH 8:4

Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.

NEHEMIAH 3:30

Shelemiah ah hta Hananiah la Zalaph ah a chuk nak a hta Hanun naw am cawt co ci goi, cun cu a hnih vei nak ah kyak ci. Berekiah ah hta Meshullam naw am cawt co ci, cun cu a mät ah im malam täng ah kyak ci.

NEHEMIAH 10:38

Bumgha bum ät loh yah ung Aaron ah hta ng’shon taigü gui cu Levit gui awn atäng ah om khai gui. Levit gui naw bumgha bum ät ami gah avan ah bum gha bum ät ba cu, Taigüim ung mang vai ah, Taigüim gimkaw nak kyong ah law püi khai gui.

2 GHANGPUGHANG GUI 12:16

Thung sah nak vai ah douthak nak la katnak-douthak nak ah pek ah douthak nak gui cu k’peem m’küm ung kä tha ci gui; cun cu taigü ah kaa ah kyak ci.