NEHEMIAH 13:10 - Cho Bible Common Language 2016

¹⁰ Cun kawn ah kei naw ka hmuh cu Taigüim ung ng’äi awm ci gui la a hei Levit gui Jerusalem hteh ta u ne ami lo ah hteit ba ci gui, a i ah kyasei ci ung chang gui naw ami ng’büh nak vai ah kä ami pek ah phäh ah kyak ci.

NEHEMIAH 13:10 Referans Kwoze

NEHEMIAH 10:37

Akum tä sei khäm law htük ah pümhta awn pyan ah m’htut, douthak vai ah sapyitui, oliv situi la aktheih akhtük cu Taigüim ah taigü gui am kami thak khai. Kami lo-pigaw gui ah bum gha bum ät look ciah Levit gui am, kami khaw ung m’thawk ciah geit ah bumgha bum ät cu kami thak gui khai.

MALAKHI 3:8

Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

NEHEMIAH 12:47

Zerubabel ah akhin la Nehemiah a khin ung Israel chang gui ami van naw, Taigüim ung ng’äi awm ci gui la Taigüim ngäng ci gui ah phäh ah a hnüüp tä sei m’cümhnah nak cu pek ci gui. Chang gui naw theingthap ciah douthak nak cu Levit gui am thak ci gui, Levit gui naw mä ami law püi gui cu taigü gui am pek ci gui.

THULÄÄN NAK 12:19

Nami cimgang vai, nami khaw ung nami om ah chuih Levit gui cu kä nami nawng gui vai.

KHEI NAK 35:2

Israel chang gui am na m’thein gui vai, ngami naw ami gah ah khawhcham ungka, Levit gui am ami om nak vai ah mang gaw gui la mang gaw ang ng’veing ung khuhnim khaw gui cu ami pek gui vai.

NEHEMIAH 10:39

Israel chang gui la Levit gui naw ami pektak ah pumhta, sapyittui, oliv-situi gui cu, gimnak khan gui ung hteh püi ci gui, cun ung Taigüim ung mang vai gui tha ci gui, cun ung bii bik ciah taigü gui, Taigüim ngäng gui, Taigüim choir m’cu ci gui ah om nak om ci. Keimi naw kami Khanpughi ah im cu kä kami nawng khai nei.

2 SHONTÄP NAK 31:4

Cun kawn ah ghangpughang naw Jerusalem chang gui am, taigü gui la Levit gui naw ami gah vai ah khin ciah douthak cu ami law püi vai ah pyen nah gui ci. Cun ah kyasei ngami naw Bawipa ah thukhän naw ak thäh ah mäih ah ami khin avan cu pe hning ci gui.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.