NEHEMIAH 13:1 - Cho Bible Common Language 2016

¹ Moses ah thukhän cu chang gui ah ma ah m’lau ne ami phat law ung cun ung chang gui gawk ne Ammonit gui la Moabit gui cu a i sang ung phi Khanpughi ah chang gui ung kä ng’dawn tuk khai gui, kä pe gui lawk ci.

NEHEMIAH 13:1 Referans Kwoze

NEHEMIAH 9:3

Bawipa ami Khanpughi ah thukhän cu nazi thum ung ami ma ah ami phat kawn ah, nazi thum bamä ung ami katnak ng’yu ba u neta, Bawipa ami Khanpughi cu khawihnah ci gui.

NEHEMIAH 13:23

A cun ah khin ung Jew chang gui akda naw Ashdod, Ammon, la Moab ung hnumi gui cu chu na u sei ka hmuk ci nei.

2 GHANGPUGHANG GUI 23:2

ngami cu a täng ah Taigüim ah hteit ci gui, ngami awn a täng ah taigü gui, prophet gui, om ba ciah ak pyam ang mang chang avan hteit tuk ci gui. Ghangpughang naw Taigüim ah ami hmuh ah thukhän ca uk avan cu ami ma ah m’lau ne phat ci.

LAMKTU 15:21

A i ah kyasei ci ung, cau ä tün ne, apigaw päng pum im gui ung, kyin hnüüp phung ung Moses ah thukhän gui cu phat ne, thu awn phi pyein lä ah kya ci” cine pyein ci.

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

AMOS 1:13

Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

JEREMIAH 48:1

Shin cu Moab ah mawng m’gäi ciah Bawipa naw a pyen ah kyak ci: “Nebo chang gui cu m’gein gui vä — Ngami ah gaw nu cu di pyi ci nei! Kiriathaim cu tu ne khäm ci gui, m’gäi ciah amang pang cu gäi ci gui, achang gui cu lü ng’aa ci gui nei;

ISAIAH 34:16

Aghing gui ah mawng guk ah Bawipa ah ca uk cu teng vä, aun ah ai a ciah phat vä. Shin ah a tüisho gui ung ka, tumat phi kä maih düt khai, tumat phi apaw kä om ciah kä om khai. A cun ah a kyak vai ah Bawipa naw thumkhän ci nei; ani amät naw atäng ah law püi gui khai nei.

NEHEMIAH 4:3

Tobiah naw a pei ah ang düih neta naw pyen ba mä ne, “Ngami naw a i ah mäih mang paang cu co khai gui ang? Ngami ah cawh läi cu saui naw phi mük hlit khai nei.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

NEHEMIAH 2:10

Cun ung phi Beth Horon gawnu ungka Sanballat la Ammon khawpäng bawi Tobiah naw, Israel chang gui ah ni nak vai bik khai ah chang tumat lawk ci, cicu ng’ya ni neta ang htei ah m’lungshe ci goi.

KHEI NAK 22:5

Beor ah hta Balaam va khü khai ah chang gui tüi ci. Ani cu Amaw khaw Euphratis Tuinu pei Pethora ung om ci. Ngami naw shin ah Balak ah ng’thu law püi ci gui. “Kei naw ka ning hmat sak hlü cu changpakhui avan Egypt khaw ah ka lawk ci gui, ami chang gui cu avan ung püi ci gui. Kami khaw khäm khai gui ah kami pei ah ng’et lawk ci gui nei.

NEHEMIAH 8:2

Ezra naw cun cu la neta chang gui ami ng’bum nak ah hmun ah — pami, hnumi, a hmaw gui van hmat thei khai ah ng’vai ci phung;