Biblia Todo Logo
Bib sou entènèt

- Piblisite -




NEHEMIAH 12:44 - Cho Bible Common Language 2016

44 Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

Gade chapit la Kopi




NEHEMIAH 12:44
17 Referans Kwoze  

Mikmi ah gah m’gein nak cu, chang gui m’theithang nak gui vai a kyak ung mi m’theithang gui khai.


Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.


Kei na ngai ciah chang cu — A hnüüp tä ka m’kawt pei ah ng’düi ne, ka im kawt ung lut khai ah ngäng ciah chang cu yeikyai nak om khai.


Ngami cu ami bi vai shin ah m’hnüt pe gui ci gui: Taigüim khawihnah nak ung Aaron ah htangshon taigü gui cu ami bawm gui vai, Taigüim kyong la ah kan gui ami m’htei vai, a theingthap ah ami tha phung cu ami theingthap sak vai;


M’kawt ngäng angvaipi phli cu Levit gui ah kya u ne, ngami ung ak hlüng pikbäih ami bii vai om ci. Ngami naw ami m’htei vai cu Taigüim ung kyongkhui gui la acun ung ami taak ah kaawh gui ah kyak ci.


Taigübawi ah bii kawt khai gui ah Aaron la a hta gui cu nang naw na m’düih gui vai. A hei chang naw shin ah bii abi tu phung ung ngawn vai.”


Ani cu a hei taigü gui ah gah chü ei gah tuk khai. Ak kyong chang gui naw ami m’khäh law phung cu ani naw khäm khai.


Ahei ami Levit-paw gui cu Taigüim ung khawhcham gui la Khanpughi am ami ap ah m’cümhnah nak tha nak ah khan gui ngäng ci gui.


Keimi achang sing naw kami hta htük cu Taigüim ah taigü ah kami hteh püi khai, thukhän naw akthäh ah mäih ah Khanpughi am kami ap khai. Kami seipat gui ah a hta htük gui, kami htome gui la me gui ah a hta htük gui phi kami ap khai.


Swiv nou:

Piblisite


Piblisite