NEHEMIAH 12:43 - Cho Bible Common Language 2016

⁴³ Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

NEHEMIAH 12:43 Referans Kwoze

EZRA 3:13

Zei ne m’lau, la kyap ne m’lau cu a u naw kä ng’thumcha thei ci. A i ah kyasei ci ung ngami ah m’lau cu ng’shang aih sei a shou nak ah ka naw phi ng’yak vai kyak ci.

SAM 92:4

O Bawipa, m’gäi ciah na hnünthawh nak naw, na yei sak ci; Na bi gui ah hmawk ah yei ne ng’äi ka m’cu ci.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

JAMES 5:13

Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

EPHESIAN 5:19

Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

MATTHE 21:15

Taigüpa gui la thukhän saya gui cu cäicat vai kyak ciah Bawipa Jesuh ah bi lawh gui cu hmu u ne, pum im kyong ah ak hmaw gui naw, “David ah Htapa cu m’hlüngtai vä,” cine a ming ng’shäu cu yak u netah, ang htei ah m’lungshe ci gui.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

SAM 27:6

Cun ah kiasei nak koi ciah gaa gui ah khan ah ka näng khai. A pum im kyong ah yei ne m’lau ne, khawihnah nak ka vawipet khai; Ng’äi ka m’cu khai, Bawipa ka m’tamkhah khai.

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

2 SHONTÄP NAK 20:27

Jehoshaphat naw a gakap gui cu näng nak awn Jerusalem ah ng’hlah ba püi gui ci, a i ah kyasei ci ung ami ga gui cu Bawipa naw a hnim pyi ah phäh ah kyak ci.

2 SHONTÄP NAK 20:13

Judah chang gui ami van, ami chu, hta gui mah ah Taigüim pei ah ng’düi ci gui.

2 SHONTÄP NAK 7:10

cun kawn ah a cha chih nak ah hnüüp m’ku lei thum hnüüp ung Solomon naw chang gui cu ami im ah tüi ba gui ci. Israel chang gui ni, David la Solomon ni am Bawipa naw a pek gui ah hriham avan ah phäh ah ngami cu yeikyai ci gui.

1 SAMUEL 4:5

Thukhän M’küm gawk law ba khäta, Israel chang gui cu khomdek thüng khai ah yei ne m’lau ci

KHEI NAK 10:10

A cun ah mäih ah yeikyai nak ah akhin gui ung nami cha thai pawi gui la a hei yum nak pawi gui ung M’khih ne douthak nak la hmuhchum douthak nak pak law ung phyungheng gui cu nami tum vai. Cun ung kei naw ka ning m’htei gui khai. Kei cu Bawipa nami Khanpughi nei.”

NEHEMIAH 12:42

ngami ah hnu ah Maaseiah, Shemaiah, Eleazar, Uzzi Jehohnan, Malchijah, Elam la Ezer naw läk lawk ci gui. Jezrahaiah lam ma sei ng’äi m’cu ci gui naw ami k’aw m’hlüng ne ng’äi m’cu ci gui.

SAM 9:2

Nang ah hmawk ah yei ne ng’äi ka m’cu khai nei, A hlüngtai säih Khanpughi, ning m’hlüng m’tai ne ka ng’äi khai nei.

NEHEMIAH 12:27

Jerusalem mang gaw pang ap nak ung Levit gui cu ami om nak päng ungka naw law püi gui ci gui, cun ah kyasei ngami naw ng’ap nak ah pawi ung m’hlüng nak ah ng’äi gui m’cu ne htingsheei tingtäng tum ne yeikyai ci gui.