NEHEMIAH 12:30 - Cho Bible Common Language 2016

³⁰ Taigü gui la Levit gui naw ami mät ah phäh, chang gui ah phäh la m’kawt gui, mang gawpaang gui ah phäh ah akcang ah theingthap nak cu bik ci gui.

NEHEMIAH 12:30 Referans Kwoze

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

EZRA 6:21

Khawihnah nak cu omktu khaw ah ka law ba ciah Israel chang gui ami van naw ei ci gui. Cun kawn ah acun ah khaw ung om ci gui ah khoshe khawihnah nak m’lungsi ne law ba ne, Israel Khanpughi Bawipa khawihnah ci gui ami van naw ei ci gui.

2 SHONTÄP NAK 29:5

acun ung ng’thu pyen na gui ci. Ani naw, “Nangmi Levit gui cu nami mät ng’ap u neta, nami pupa gui ah Khanpughi Bawipa ah Taigüim cu nami theingthap sak vai. Taigüim lelawi sak ci phung cu nami nawt heng vai.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

HEBRU 5:3

Amät cu kä kümbe ciah kya ne, chang ah phäh bäng ah kä kiak ci, amät ah phäh ah phi küikyan nak vai ah phyutheh ciah kiak ci.

HEBRU 5:1

Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

NEHEMIAH 13:30

Kei naw chang gui cu akhawhei chang ah mawng ung ka phung ka theingthap sak gui ci; kei naw taigü gui la Levit gui naw ami läk vai ah thu cu ka pyan pe gui ci, cun ah kyasei ak chang nü naw a bi vai hmat ci.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

2 SHONTÄP NAK 29:34

Shin ah seime gui avan ngawn khai ah taigü gui kä ang büh ah a kyak ung ami bi angpyi güit Levit gui naw bawm gui ci gui. Cun kawn ah taigü gui akdapi naw ami mät naw ami mät theingthap sak ci gui. (Theingthap nak ung Levit gui cu taigüi gui ah ta bekhüt ba pi ci gui.)

PHYAWN NAK 19:15

Moses naw ngami am, “Cituh hnüüp ah hmawk ah nami pawng ge vai, cun ah a kyong ung kä nami ng’yaw pawm en vai” cine pyen na gui ci.

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

NEHEMIAH 12:29

Bethkilkala, Keba la Azmaveth ung ka law ci gui.

1 SHONTÄP NAK 15:14

Cun ah kyasei taigü gui la Levit gui cu Bawipa Israel Khanpughi ah Thukhän M’küm ami k’plon nak hning vai ah ami mät naw ami mät theingthap sak ci gui.