NEHEMIAH 12:25 - Cho Bible Common Language 2016

²⁵ Shin ah Taigüim ngäng ci gui cu Taigüim m’kawt pei khawh cham gim nak ung tängpang ne ngäng ci gui ah kyak ci: Mattaniah, Bakbukiah, Obadiah, Meshullam, Talmon, la Akkub.

NEHEMIAH 12:25 Referans Kwoze

ISAIAH 21:8

Ngäng ci naw ng’khü ne, “Bawi aw, amü a hnüüp ng’düi ne ka ngäng ci nei,” a ci sang u ng.

1 SHONTÄP NAK 26:15

Obed Edom naw a htumtäng m’kawt la, a hta gui naw khawhcham thanak ah kyongkhui ngäng ci gui.

1 SHONTÄP NAK 26:12

Taigüim ngäng ci gui cu ami kyongkhui ah ciah ami pai gui ah kyak ci, ngami cu a hei Levit gui ah mäih ah Taigüim ung ami bi vai ami k’bäi pek gui ah kyak ci.

1 SHONTÄP NAK 23:32

Ngami cu Taigüim la Bawipa ah om nak ah Phung m’htei htang khai gui, ami mätyah gui m’htei khai gui, Taigüim khawihnah nak ung Aaron ah htangshon taigü gui m’htei gui khai gui ah ami tha gui ah kyak ci.

2 GHANGPUGHANG GUI 7:10

Cun ah kyasei ngami naw Sirian phung cu hteh ta u ne, Samaria ah hteit ba u ne, m’kawt ung om ne gaw ngäng gui cu khü gui ci gui: “Keimi Sirian gui ah phung ah kami hteit ci, a i phi kä kami hmuk ci, kä kami ng’yak ci; ng’se gui la laa gui cu ami k’pawn ah täng ah om ci gui, k’pyu gui cu Sirian gui naw ami nawng ah täng ah om ci.

1 SHONTÄP NAK 26:17

Akiangtäng ah ngäng ci chuk, a siiptäng ah ngäng ci phli, a htumtäng ah ngäng ci phli naw a hnüüp tä sei ngäng ci. Khawhcham tha nak ah kyong tumat ung hnih ciah phli naw a hnüp tä ngäng ci gui.

2 SHONTÄP NAK 8:14

Apa David naw am hnüt bäi shüt ah läk vai gui cu läk ne, Taigü gui naw a hnüüp tä ami bi gui vai la ng’äi awm m’cu u ne, taigü gui ah bi düh shawn ci gui ah Levit gui ah bi gui vai cu täntai pe gui ci. Khanpughi ah chang David ah thumkhän ah mäih ah, ani naw Taigüim ngäng ciah chang gui naw am kawt päng ung, a hnüüp tä ami bi gui vai cu täntai pe gui ci.