NEHEMIAH 12:10 - Cho Bible Common Language 2016

¹⁰ Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

NEHEMIAH 12:10 Referans Kwoze

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 13:7

Jerusalem ah ka law ba ci. Taigü kyong ah akhan tumat amang Eliashib naw Tobiah am hei tu cu hmu neta kei cu ka cäicat ci.

NEHEMIAH 13:4

Taigü Eliashib cu Taigüim khei ung angvai ah kyak ci, ani cu Tobiah awn ashou akni ah ng’khawt ci goi.

NEHEMIAH 12:26

Shin ah chang gui cu Jehozadak ah tu Joshua ah hta Joiakim ah akhin, uktu Nehemiah ah akhin, taigü thukhän hmat ciah Ezra ah akhin ung om ci gui ah kyak ci.

NEHEMIAH 3:1

Shin cu mang gaw pang ami cawh ba ah mawng ah kyak ci. Taigüpa Eliashib la ak taigü gui naw Htome M’kawt cu co ba u ne, shoh cu a hmun ung tha ci gui. Ngami naw paang cu Kumphia Tänghän la Hananela Tänghän güt ah ap ci gui.

NEHEMIAH 12:9

Shin gui naw choir pyang ne ng’bunglan khai ah ng’äi m’cu ci gui: Bakbukiah, Unno la ami Levit-paw gui ah kyak ci.

NEHEMIAH 12:11

Joiada cu Jonathan ah pa, Jonathan cu Jaddua ah pa.

NEHEMIAH 12:22

Rekawt gui cu Levit kyong chang gui la taigü kyong chang gui ah ami ng’vai gui naw gim ci gui, cun cu shin ah taigütung gui ami ghin yah ung ah kyak ci: Eliashib, Joiada, Jonathan, la Jaddua. Darius cu Persia uktubawi ah akyak yah ung shin ah m’hnüt nak gui cu ng’pyi pyi ci.